Ինչու՞ է Տիգրան Ավինյանն ուզում մեզ համար անհայտ տրոլեյբուսներ ներկրել, որոնք չեն գործարկվել դեռ ոչ մի երկում. Հայերը ձեր համար ճագարի դեր են կատարու՞մ

Վերջերս Տիգրան Ավինյանը հայտարարեց, որ քաղաքապետարանը որոշել է ձեռք բերել նոր տրոլեյբուսներ թվով 30 հատ: Առաջին հայացքից դա ողջունելի քայլ էր թվում, սակայն, երբ պարզվեց, թե ինչ մակնիշի տրոլեյբուսներ է ուզում գնել քաղաքապետարանը, կրկին հարցեր առաջացան: Աշխարհում կան տրոլեյբուսների հայտնի ապրանքանիշեր, ինչպիսիք են՝

-Skoda

-Hess

-MAN

-Iribus Cristalis և այլն:

Բայց քաղաքապետարանը պատվիրում է Yutong անհայտ մոդելի տրոլեյբուսներ։ Այս մոդելը ձեռք չի բերվել աշխարհի ոչ մի երկրում և չի փորձարկվել ոչ մի քաղաքային ճանապարհի վրա։ Միայն Yutong-ZK5120C-ն է առաքվել Մեքսիկա:

Ինչու տրոլեյբուսների գնման մրցույթ չի եղել:

Որտեղի՞ց գնենք այդ մակնիշի տրոլեյբուսի պահեստամասեր։

Ինչո՞ւ քաղաքապետարանը որոշեց գնել ամենաէժան տրոլեյբուսներն ու ամենաթանկ ավտոբուսները՝ առանց մրցույթների։ Ինչու՞ նման ծայրահեղություն:

Այս մարդկանց գործողությունները պարզ բանականությամբ դժվար է հասկանալ: Իրոք, որ տրոլեյբուսների ձեռքբերումը շահավետ է քաղաքային տնտեսության համար, քանի որ

-Տրոլեյբուսների ծառայության ժամկետը կրկնակի երկար է՝ ավելի քան 20 տարի

- գործառնական ծախսերի արժեքը երկու անգամ ավելի քիչ է, ավտոբուսներից ներքին այրման շարժիչի բացակայության պատճառով:

 -պահպանման ծախսերը նվազագույն են:

-արտանետումների բացակայությունը, ի տարբերություն ավտոբուսների, ևս շատ կարևոր է հատկապես ամռան ժամանակաշրջանի համար:

Այս իշխանության ոճը, առանց մրցույթների սեփական որոշումներ կայացնելը, արդեն դարձել է օրինաչափություն: Իսկ եթե հաշվի առնենք սրանց մակարդակն ու չտես պատկերացումները, պարզ կդառնա, թե ինչ նոր խնդիրներ կառաջացնեն երևանցիների համար:

Արմեն Միքայելյան

Հ.Գ.

Իդեպ «Մայր Հայաստան» դաշինքի ծրագրի համաձայն, քաղաքապետարանը պիտի ձեռք բերի ոչ թե 30, այլ մի քանի անգամ ավելի շատ տրոլեյբուսներ, անպայման մրցույթ անցկացնելուց հետո, որպեսզի մեր քաղաքացիները անփորձ տրոլեյբուսներից չոօգտվեն, իսկ նրանց սպասարկման ծառայությունների համակարգն էլ քաղաքային տնտեսության համար լինի մատչելի: