#ՈՉ_ստամբուլյան_կոնվենցիային #ՈՉ_գաղութացմանը․ Ֆեյսբուքահայության ազգային տիրույթը ահազանգում է

Քանի որ ժամանակ չունեմ այսօր հանրայնացված զազրելի դեպքին երկար անդրադառնալ, կարճ կասեմ՝ որպես կանանց եւ անչափահասների քրեակատարողական հիմնարկներում (եւ ոչ միայն) մասնագիտական պրակտիկաներ անցած մեկիս համար սա «հերթական» պղծությունն էր, ոչ թե առաջինը, ցավոք նման դեպքեր կան եւ ոչ միայն մեզ մոտ:

Սա թե՛ իրավական, թե՛ բարոյական առումով պիտի ամենախիստ պատժին արժանանա:

Սոցիալ-հոգեբանական ծառայությունները պիտի փրկեն խեղվող երեխաներին:

Իսկ այդ ծառայությունները պիտի գործեն ազգային պետության ենթակայության, ոչ թե նեոլիբերալ, նեոգաղութարար համակարգերի ներքո:

-Այդուհանդերձ շատ կարեւոր է վերեւից նայել ու հասկանալ, թե սա ինչու՞ է դաշտ նետվել, ի՞նչ նպատակ է հետապնդում:

Դրա համար խնդրելու եմ կարդաք մի քանի ընկերոջ սթափ գնահատականներ՝

--Այն, որ այդ սարսափելի ոճիրի հեղինակ հարճը պետք է ցմահ փտի ճաղերի հետևում, դա ակնհայտ է. դրան պետք է ծնողական իրավունքներից զրկել, երեխաների անուն-ազգանուններն ու ծնողների վերաբերյալ տվյալներն էլ փոխվեն պաշտոնապես, որպեսզի հետագայում վերջիններիս (նկատի ունեմ երեխաներին) ապագան չկործանվի:

Բայց պակաս հարճորդի էլ չեն նրանք, ովքեր կփորձեն այդ ֆոնին որևէ ապազգային կոնվենցիայի վավերացման հարց բարձրացնել. որքան Հաագայի դատարանի որոշումն է պաշտպանում Արցախը, այնքան էլ կոնվենցիաները կարող են պաշտպանել մարդկանց:

Ցտեսություն

 

«Ստամբուլյան կոնվենցիան» են հանրային «պահանջով» վավերացնում:

Նիկոլ ընտրողը նիկոլական չի, լիբերալ-արևմտամետ հայն է նիկոլական, միամիտ գյուղացին հանրային պահանջ չի կարող ստեղծի, որպեսզի հակամարդկային, անբարոյական կոնվենցիաներ վավերացվեն:

 

Մի հատ մասսայի կարծիքից տարբերվող բան ասեմ էսօրվա թրենդի շուրջ...

Հասարակությունը, այդ թվում եւ մե՛ր հասարակությունը շատ պրիմիտիվ կերպով կառավարելի է, հատկապես, եթե օգտագործվում են խորքային էմոցիաները՝ երեխա, ծնող, սնունդ, վախեր եւ այլն՝ կենդանի օրգանիզմում առկա հիմնական բնազդները։

Նույն տեխնոլոգիան կիրառելով 10 անգամ մանիպուլացնեն՝ 10 անգամն էլ թակարդը կընկնի զանգվածը, քանի որ էմոցիաները գերակայում են տրամաբանության նկատմամբ։ Դրան գումարած, սոցիալական ցանցերը ստեղծում են թրենդի զգացողություն եւ ռեզոնանսի (կամերտոնի) սկզբունքով ապահովում որեւէ նյութի տարածումը։

Եւ այսպես օրինակ, պե՞տք է ինչ-որ օրենք ընդունել՝ գտնում են մի անբարոյականի, վճարում մի քանի կոպեկ, որի դիմաց նա անում է X գործողությունը, այնուհետեւ այդ գործողությունը տիրաժավորվում է էմոցիոնալ ֆոնով, եւ վերջ՝ ծրագրված օրենքն ընդունելու ֆոնն ապահովված է։

Այս կերպ եւ մնացած բոլոր հարցերը։

Շատերը այսօր չեն էլ հիշում, թե ինչպես 2017 թվականի փետրվար մարտ ամիսներին, ԸԲ օրենքն ընդունելուց առաջ, Սորոսի տնօրենների խորհրդի անդամ ջութակահար Զառան, «խիստ պատահական» հայտնվեց Տերյան փողոցում, որտեղ իր կնոջ նկատմամբ բռնություն էր կիրառում սպանության քրեական գործով անցնող (որի վրա համապատասխան մարմիններն ունեին որոշակի լծակներ) մի ոմն։ Հետագա զարգացումները ստանդարտ էին՝ սպասված աղմուկ, էմոցիոնալ ֆոն, եւ անմիջապես օրակարգում հայտնվում է նախապես պատվիրված օրենքը... Որոշ ժամանակ անց գործը կարճվեց, ու «բոլորը» մոռացան դեպքի մասին... («բոլորը», բայց ոչ հիշողություն ունեցողները)...

Իհարկե, այդ ժամանակ հաջողվեց կանխել այն՝ նախընտրական փուլում անցանկալի ցնցումներից խուսափելու տրամաբանությամբ։ Բայց ընտրություններից մի քանի ամիս անց՝ նույն օրենքը նորից բերվեց օրակարգ, այս անգամ արդեն Բրիտանիայում վերապատրաստում անցած եւ Արդարադատության փոխնախարարի աթոռին նստած (այժմ ԲԴԽ դատավոր) վաստակավոր սորոսական Վիգեն Քոչարյանի քավորությամբ։ Ինչպես եւ նախորդ անգամ, այս անգամ եւս, թեմային նախորդեց «մամուլի» ֆոնը։ Հատկապես ակտիվ էր Վիգենի եւ Եվրասիա ֆոնդի հակահայ ու թրքասեր տնօրեն Գեւորգ Տեր-Գաբրիելյանի հետ Բրիտանիա գործուղված Առավոտ թերթի հայտնի լրագրող՝ Իսրայելյան Աննան եւ մյուս իսրայելամերձ լրատվականները... Բանն հասել էր նրան, որ անգամ 10 տարվա վաղեմությամբ դեպքերն էին մամուլում թարմացվում՝ անհրաժեշտ էմոցիոնալ ֆոնն ապահովելու համար։ Բայց չգիտես ինչու՝ Առավոտ թերթի ղեկավար Ավրամյանը «մոռանում էր» էդ ամենի մեջ նաեւ իր անձնական օրինակը ներառել, այլ դատապարտում էր միայն «բռի հայությանը»...

Ինչեւէ, այն ժամանակ եւս հաջողվեց մասնակիորեն կանխել այդ դավադրությունը։

Հետագայում Ստամբուլյան կոնվենցիայի շրջանակներում հրապարակ նետվեց ԱՄՆ նախագահի կողմից պարգեւատրված՝ այլասերության մարմնացում, առաջին ՔՊ տիկին Աննայի ընկերուհի՝ Լյուսին՝ իր «բռնության ձայնով»։ Այս բեմականացումը եւս հաջողությամբ բացահայտվեց եւ կանխվեց...

Բայց օրակարգը դեռ հանված չէ...

Հետագայում ընդունել տվեցին Լանզարոտի կոնվենցիան, դրանից ավելի վաղ փորձ էր արվում այդ օրենքը անցկացնել՝ ներկայումս «ընդդիմադիրի» շորեր հագած մի փաստաբանի միջոցով, որն ակտիվ տարածում էր մի տեսանյութ, որտեղ ծնողն ապտակել էր իր երեխային։ Այն ժամանակ էլ հաջողվել էր կանխել դավադիր ծրագիրը՝ ժամանակին մերկացնելով ծրագրված սցենարը...

Բայց, զանգվածը էնպիսի բան է, որ ձկան պես տասն անգամ կարթի վրա որդ դնեն, տասն անգամ էլ կընկնի թակարդը ու էդպես էլ խելք չի հավաքի...

Եւ այսօր, նույն սցենարով հերթական օրինակն էր…

Ձմռանը (տեսանյութում հստակ երեւում է միացված ջեռուցիչը եւ տաք հագուստը) նկարված մի անբարոյական սրիկայի տեսանյութ նետվում է համացանց, եւ դառնում օրվա թրենդ...

Հետաքրքիր զուգադիպությամբ դա տեղի է ունենում ՄԱԿ անվտանգության խորհրդի նիստից անմիջապես հետո...

Մնացածը արդեն ըստ սցենարի...

Սպասենք, թե ինչ նոր օրենք են բերելու, կամ առաջիկայում ինչ-այլ դավադրություն են պատրաստել միամիտ զանգվածի համար...

Մարդ արդեն չգիտի, թե ինչ անի, որ հանրության կոլեկտիվ հիշողությունը ու տրամաբանությունը մի քիչ ուժեղացնի...

Առավոտները մեղրաջուր խմեք, ժողովուրդ ջան, ասում են՝ օգնում է...

Լավ ինչքա՞ն կարելի է նույն էմոցիոնալ թակարդն ընկնել...

Հ.Գ.

Հույս ունեմ, որ այդ այլանդակությանը առնչություն ունեցող բոլոր դերակատարները կբացահայտվեն եւ արժանի պատիժ կկրեն...

 

Երկիր չի, այլ մի քիպլիկ փորձարարական լաբորատորիա, որտեղ բոլորս ինքնակամ մեր հույզերով ու էմոցիաներով, արժեհամակարգով ու սկզբունքներով դարձել ենք շատ կառավարելի և պլանավորված փարձարարությունների օբյեկտ շատ ցածր դիմադրողականությամբ: Լաբորատորիայի անտեսանելի ապակուց այն կողմ իրենց փորձարարությունների արդյունքներն ու կիրառելիության հնարավորությունները գնահատողներն ու արձանագրողները խորը թքաց ունեն, թե մեր էմոցիաների, թե արժեքների և թե բնույթի վրա: Կարևորը փորձարարության արդյունքն է, շահը և դրա կիրառելիության հնարավորությունների չափումը:

P.S. Ըստ ժանրի և փորձարարության կանոնների այն ինչ պարզվելու է մանկապղծության արդյունքում ավելի զարհուրելի է լինելու, սա առաջին ակտն էր: Երկրորդ ակտի համար ամեն բան պատրաստ է:

 

Ցավոք ուռոդներ մեր հասարակությունում միշտ եղել են ու կան, և նրանք պետք է կրեն իրենց համապատասխան պատիժը։ Բայց նման երևույթները նոր բան չեն՝ ուղղակի հիմա կա ինտերնետ։

Տեսանյութը դիտողի համար դժվար է էմոցիոնալ պայթյուն չունենալը։ Հենց սրա վրա էլ կատարված են բոլոր հաշվարկները։ Այդ կինը ամենայն հավանականությամբ գումարով պատվեր է կատարում։ Ըստ երևույթի նույնիսկ ծեծն է պատվերի մեջ ներառված եղել։

Հենց հիմա մեզ վրա տեխնոլոգիա են կիրառում։

Նախ վերջ դրեք տեսանյութը տարածելը։ Ովքեր արդեն տեղադրել են՝ արագ հեռացրեք։ Հետո իմացեք, որ բոլոր հասարակություններում էլ ուռոդներ կան։ Տարիներ առաջ Ախթալայում բազմաթիվ ծնողներ իրենց տղաների ձեռքը բռնած տանում էին հանքի սեփականատիրոջ մոտ, ով հետո ձեռբակալվեց ու կալանավայրում սատկեց։

Փող վճարող լինի, նման առաջարկ միշտ կգտնվի։

Ցանկացած հասարակությանը ոչնչացնելու համար պետք է ոչնչացնել նրա տաբուները։ Սա էլ հենց հիմա մեր հետ անում են մեր իսկ ձեռքերով։

 

Սկսվեց Ստամբուլյան կոնվենցիայի ընդունման նախապատրաստական փուլը:

Ձմեռվա տեսանյութերը ամառով ֆռցնելը այլ բացատրություն չունի:

Տեսանյութը պահել, որ քաղաքական նպատակներով հետագայումցանց գցել, ավելի ստոր է, քան էն ինչ-որ կար տեսանյութում: