Լաչինի միջանցքը մոտ էր բացմանը. ինչ էր առաջարկել Սերգեյ Լավրովը Երևանին, Բաքվին և Ստեփանակերտին. КоммерсантЪ

Ռուսական «Коммерсантъ» թերթը ներկայացրել է Լաչինի միջանցքի ապաշրջափակման հարցի շուրջ պաշտոնական Մոսկվայի, Երևանի և Բաքվի բանակցությունների մանրամասները։

«Ռուսական պետական ​​գերատեսչություններում թերթի զրուցակցի խոսքով, ՌԴ արտգործնախարար Սերգեյ Լավրովն առաջարկել է մի տարբերակ, որին սկզբում համաձայնել է թե՛ ադրբեջանական կողմը, թե՛ ղարաբաղցիները: 

Լավրովի առաջարկի էությունն այն էր, որ նախ պետք է բացվի Աղդամով անցնող ճանապարհը և ԿԽՄԿ-ի միջոցով սկսվի անհրաժեշտ մարդասիրական բեռների առաքումը։ Աղդամով երթևեկության մեկնարկից ուղիղ մեկ օր անց, Մոսկվայի առաջարկով, վերականգնվելու էր նաև Լաչինի միջանցքով երթևեկությունը։ «Այս տարբերակը բարձր պատրաստվածության մեջ էր»,- ասել է թերթի աղբյուրը։

Բայց, ըստ նրա, Ստեփանակերտն այնուհետ պայման էր առաջ քաշել, որ Լաչինը բացվի ոչ թե 24 ժամ անց, այլ անմիջապես Աղդամով ճանապարհի հետ միասին, հետո ԼՂՀ-ն հայտարարեց, որ ադրբեջանական արտադրության ապրանքները չպետք է առաքվեն Աղդամով, հետո սկանդալ եղավ Վագիֆ Խաչատրյանի հետ (պաշտոնական Բաքուն նրան առևանգել է Կարմիր խաչի մեքենայից- խմբ.), ում ԼՂՀ իշխանությունները պահանջել են անհապաղ ազատ արձակել։ Արդյունքում փոխզիջում չստացվեց»,–գրում է թերթը։

Zham.am