Էդուարդ Շարմազանովը հայտնեց ՀՀԿ խորհրդից մի շարք անդամների ազատման մասին

Այսօր ՀՀԿ գործադիր մարմնի նիստից հետո լրագրողների հետ զրույցում ՀՀԿ խոսնակ Էդուարդ Շարմազանովը հայտարարեց նախկին վարչապետ Հովիկ Աբրահամյանին, նրա եղբայր Հենրիկ Աբրահամյանին, Արարատի նախկին մարզպետ Ռուբիկ Աբրահամյանին և ՀՀԿ-ական պատգամավոր, Արարատի ՀՀԿ կառույցի ղեկավար Կարինե Պողոսյանին ՀՀԿ խորհրդի կազմից ազատելու որոշման մասին:

-Նիստի ընթացքում որոշում է կայացվել ՀՀԿ խորհրդի կազմից ազատել մեր արդեն նախկին կուսակից այն գործընկերներին, ովքեր ՀՀԿ-ից դուսր գալու դիմում են ներկայացրել, - ասաց նա:

Էդուարդ Շարմազանովը հայտնեց, որ նիստի ընթացքում քննարկվել է նաև խորհրդարանական ընտրությունների ՀՀԿ նախընտրական ծրագիրը, և որ այն ավարտական փուլում է:

- Կարծում եմ հաջորդ շաբաթվա վերջ արդեն պատրաստ կլինի:

Լրագրողների այն հարցին՝ թե Հովիկ Աբրահամյանի կուսակցությունից հեռանալով առաջիկա ընտրություններին ՀՀԿ խնդիրներ կունենա, պատասխանեց:

-Ի՞նչ է նշանակում  ՀՀԿ-ն խնդիրներ կունենա, որևէ մեկն ակնկալում է, որ ՀՀԿ հարյուր տոկոս ձայն կունենա: Շատ նորմալ է, որ հանրության մի մասը ընտրում է այս կուսակցությանը, մեկը՝ այլ: Մենք ազատ քաղաքական մրցակցության կողմնակից ենք: Անկախ նրանից մեր օպոնենտը նախկին ՀՀԿ-ական է, նախկին պաշտոնյա է, թե նախկին ընդդիմադիր, - ասաց նա, չմոռանալով ևս մեկ անգամ շեշտել թե ընտություններից առաջ ՀՀԿ-ն շարունակում է մնալ թիվ մեկ ֆավորիտը քաղաքական դաշտում:

Ինչ վերաբերվում է ՀՀԿ համամասնական և ռեյտինգային ցուցակին, ապա այն, ըստ ՀՀԿ խոսնակի, լինելու է ամենառեյտինգայինը և ամենաամբիցիոզը:

Zham.am