«Կարմիր խաչից պահանջում եմ տեսազանգ ապահովել հորս հետ». Վագիֆ Խաչատրյանի դուստր. Տեսանյութ

«Ես չեմ կարող հավատալ ոչ մեկի խոսքին։ Ես այսօր պահանջում եմ Կարմիր խաչի միջազգային կոմիտեից ապահովել տեսազանգ հորս հետ, որպեսզի իմանամ՝ ֆիզիկապես հայրս ինչ վիճակում է»,- Կարմիր խաչի երևանյան գրասենյակի դիմաց բողոքի ակցիայի ժամանակ ասաց Ադրբեջանի կողմից առևանգված Վագիֆ Խաչատրյանի դուստրը՝ Վերա Խաչատրյանը։

«Ասում են՝ կարող եք բանավոր խոսք փոխանցել։ Բայց թե՛ ես, թե՛ հայրս, թե՛ ընտանիքիս մյուս անդամները բանավոր փոխանցելու ոչինչ չունենք, քանզի գիտենք՝ ինչ ենք զգում միմյանց հանդեպ, բանավոր ինչ պետք է փոխանցենք։ Դրա համար այժմ միայն պետք է տեսնել հորս, թե ինչ ֆիզիական վիճակում է գտնվում նա, միգուցե կոմայի մեջ է, կամ ֆիզիկապես այլևս մեզ հետ չէ, դրա համար էլ չեն ապահովում տեսազանգը»,-ասաց Վերա Խաչատրյանը։