Մաեստրոյի տեղը և անունը մեր երկրի մշակութային գործընթացի առաջնագծում է․ Հայկո Հակոբյան հիմնադրամ

Կենսագրությունը կերտելը բարդ է, դա անխոնջ, երկարատև ու բարդ աշխատանք է: Մաեստրո Սերգեյ Սմբատյանը կերտել է իր կենսագրությունը անկախ իր հայտնի ազգանունից:Նա որոշել է նվիրվել հայ մշակույթի հանրահռչակմանը: Չնայած բազմաթիվ հնարավորությունների, գրավիչ առաջարկների, այդպես էլ չլքեց Հայաստանը և նվիրումը հայ մշակույթին դասեց ավելի վեր, քան իր կարիերան ու փառքը: Հայրենասեր, մարդասեր, ընկերասեր, մարդկային բարձր արժեքներով օժտված անհատականություն:

Նրա աշխատասիրությունը օրինակելի է : Նա միշտ ունի ժամանակ լսելու և միանալու նոր, համարձակ ստեղծագործական գաղափարներին: Նա ստանձնել է ամենամեծ ու կարևոր առաքելությունը՝ բազմաթիվ նախագծերի միջոցով կրթել ավելի լավ, ավելի մշակութասեր սերունդ: Ս. Սմբատյանի կատարված աշխատանքի և նախագծերի, արժանիքների և ձեռքբերումների մասին կարելի է խոսել անվերջ : Մենք բոլորս վստահ ենք, որ շատ շուտով արդարությունը կվերականգնվի: Մաեստրոյի տեղը և անունը մեր երկրի մշակութային գործընթացի առաջնագծում է: Մաեստրո ջան, Ձեր աջակիցների բանակը մեծ է: Հայկո Հակոբյան հիմնադրամը այդ բանակում է` անհամբեր սպասելով համատեղ «Սիմֆոնիկ Հայկո» նախագծի իրականացմանը։

Արթուր Ջանիբեկյան Վահե Հակոբյան

Հրաչ Քեշիշյան

Իրինա Վարդանյան

Նառա Ամատունի

Գագա Ամատունի