Ալիկ Կճոյանը հաղթել է ադրբեջանցի մարզիկին․ Բռնցքամարտի պատանիների ԵԱ. Տեսանյութ

Ռումինիայում ընթացող բռնցքամարտի Եվրոպայի պատանիների առաջնությունում 63 կգ քաշային Ալիկ Կճոյանը կամային բարձր որակներ է դրսևորել ու պարտության է մատնել Ադրբեջանի ներկայացուցիչ Ասլանլի Կանանին։ Առաջին ռաունդում մրցավարները 3։2 հաշվով առավելությունը տվել էին մրցակցին, բայց երկրորդ ու երրորդ ռաունդներում հայ մարզիկը փոխել է մարտավարությունն ու պարզապես շնչելու հնարավորություն չտվեց ադրբեջանցուն։ Արդյունքում վստահ հաղթանակ 5։0 հաշվով։

Եվրոպայի պատանիների առաջնությունում հաղթանակով է մեկնարկել նաև 75 կգ քաշային Ալբերտ Հարությունյանը։ Մեր մարզիկի մրցակիցը իսպանացի Կարբոնել Բոնդանոն էր, որը ավելի բարձրահասակ էր ու շատ անհարմար մրցակից էր։ Այդուհանդերձ Հարությունյանը գրագետ մարտավարությամբ կարողացել է չեզոքացնել մրցակցի ֆիզիկական տվյալներն ու գեղեցիկ հաղթանակ տոնեց։ Եվրոպայի առաջնությունում գեղեղեցիկ հաղթանակ է տոնել նաև 80 կգ քաշային Հայկ Ղահրամանյանը։

Բուլղարացի Ստոյան Պետրովի հետ մենամարտում մեր մարզիկը շատ լավ է օգտագործել իր ֆիզիկական տվյալներն ու մի քանի անգամ գերազանցել է մրցակցին։ 3-րդ ռաունդում Ղահրամանյանը նաև նոկդաունի է ենթարկել բուլղարացի բռնցքամարտիկին: