Արփա գետում հայտնաբերել են 49-ամյա տղամարդու դի
Մի քանի ժամ շարունակ Երևան-Մեղրի ավտոճանապարհի 131 կմ հատվածում որոնողական աշխատանքներ էին կատարվում, քանի որ ոստիկանության Եղեգնաձորի բաժնում տեղեկություններ էին ստացվել, որ երեկվանից Վայոց ձորի մարզի բնակիչը տանից դուրս է եկել և այլևս չի վերադարձել: Ինչպես դեպքի վայրից հայտնում է ֆոտոլրագրող Գագիկ Շամշյանը գրեթե մի քանի կմ որոնողական աշխատանքներ են կատարվել, այդ թվում՝ ծառախիտ հատվածներում և Արփա գետի՝ մոտ 2 կմ-ոց երկարությամբ հատվածում:
Ոստիկանության Եղեգնաձորի բաժնի անչափահասների գործերով տեսուչ Վաչիկ Ավագյանը, որ մինչև գոտկատեղը Արփա գետում որոնողական աշխատանքներն էր շարունակում, գետում հայտնաբերեց դին, իսկ մինչ այդ ոստիկաններն ու փրկարարները գետի ափին մոտ հայտնաբերել էին հագուստ: Դատաբժշկի նախնական եզրակացության համաձայն, արտաքին զննությամբ դիակի վրա բռնության հետքեր չեն հայտնաբերվել։
Աղբյուրի տեղեկություններով՝ մահացածը Վայոց ձորի մարզի բնակիչ 49-ամյա Մայիս Խ.-ն է:
Հետևեք մեզ Facebook-ում