Պուտինը փորձում է միաժամանակ և նշել, և չնշել Ռուսական հեղափոխության 100 -ամյակը. Տեսանյութ

Այսօր նոյեմբերի 7-ն է: 100 տարի առաջ Ռուսաստանում այս օրը իրականացավ պետական հեղաշրջում, որը հետագայում անվանվեց Մեծ Ռուսական  Սոցիաիստական հեղափոխություն: Ռուսական հեղափոխությունն արմատապես փոխեց աշխարհի զարգացումը: Սակայն մինչ այսօր այս հեղափոխության հանդեպ վերաբերմունքը միանշանակ չէ, վերաբերմունքը միանշանակ չէ նաև բուն Ռուսաստանում: Ըստ սոցհարցումների, ռուս հասարակության մոտ 60 տոկոսը մերժում է կոմունիզմի գաղափարը: Սակայն ավեի քան մեկ երրորդը Ռուսական Հոկտեմբերյան հեղափոխությունը համարում է ավեի շատ դրական, քան` բացասական երևույթ: Ինչ վերաբերվում է Պուտինին և նրա շրջապատին, ապա ներկայիս Ռուսաստանի իշխանությունները փորձում են հավասարակշռված մոտեցումներ ցուցաբերել պատմական այս իրադարձությանը: Այս օրերին ռուսական հեռուստաընկերություններով ներկայացվում են պատմավավերագրական և նույնիսկ գեղարվեստական ֆիմեր, /"Հեղափոխության դեմոնը", "Տրոցկին" և այլն, որտեղ ռուսաստանցիներին ներկայացվում է ռուս բոշևիկների կապը գերմանական հետախուզության հետ և Ռուսական հեղափոխությունը ներկայացվում է որպես յուրօրինակ նարնջային հեղափոխության նախագիծ, որը ֆինանսավորվել և իրականացվել է դրսից, յուրօրինակ զուգահեռներ անցկացնեով այն ժամանակվա և ներկայիս արևմտյան երկրների հակառուսական կեցվածքներում: Մյուս կողմից, Պուտինը չի կարող հաշվի չնստե ռուսաստանյան հասարակության այն հատվածի հետ, որոնք դրական են տրամադրված հեղափոխությանը, և նույնիսկ այս օրը ռուսաստանյան իշխանությունները փորձել են, այսպես կոչված, փոխզիջումային շքեթ անցկացնել Մոսկվայում: Ֆորմալ իմաստով այդ շքերթը կապ չունի Ռուսական հեղափոխության հետ: Այն, իբր, նվիրված է 41 թ. անցկացված զինվորական շքերթի 76 ամյակին, միաժամանակ բոլորն է հասկանում են, որ այս ակցիայով Ռուսաստանյան իշխանությունները փորձում են Բոլշևիկյան հեղափոխության տարեդարձը լղոզել ` այն դարձնելով յուրօրինակ ռուսաստանցիների համերաշխության տոն: Մանավանդ որ պաշտոնապես այդ տոնը Ռուսաստանում նշվում է նոյեմբերի 5-ին և 6-ին:

Zham.am