Մեր պատերազմը չի դադարի երբեք․ Նազենի Հովհաննիսյանը՝ չավարտվող պատերազմի մասին

Հաղորդավարուհի, դերասանուհի Նազենի Հովհաննիսյանն ինստագրամյան իր էջում հրապարակել է լուսանկար և գրառում կատարել՝ չավարտվող պատերազմի մասին։

Օրեր առաջ Մի պահ մոռացության էին մատնվել բոլոր խնդիրները, քաոսային իրադարձություններըն ու աշխարհի վառ գույները գորշացնող նախանձը...

Ընկերների օրն էինք նշում @hrachkeshishyan - ի սիրուն կազմակերպմամբ՝ @karaswines - ի դրախտային այգիներում՝ Բիբիլիական Արարատին նայելով: Ես էդ պահերից եմ կառչում, որ մի քիչ գոնե բալանսը պահեմ, այլապես անհնարին կլիներ: ...շատ բան չեմ ասում, էլ մեծ մասը չեմ էլ գրում... ամեն ինչ ասված է ու խոսված, խոցերը դրանից ցավոք չեն բուժվում: Բայց էնքան երազանք ու սիրուն նախագիծ ունեմ, որ ամեն օր փշուր-փշուր են լինում էս համատարած անլուծելի աղմուկ- քաոսից... ու ամեն օր փշուր-փշուր հավաքում եմ, որ ամբողջացնեմ, ծնունդ տամ: Մեր պատերազմը չի դադարի երբեք: Մեր պատերազմը նախ հայի տեսակի պատերազմն է՝ ինքն իր հետ, իր դեմ, իր պատճառով:

Պատմությեւնը չի կրկնվում. հարցրեք լուրջ պատմաբաններին, բայց այն կարող է հատվել պատմության խաչմերուկներում և ավելի վատ ընթացք ունենալ, եթե սխալ, անմտածված ճամփով գնաս: Մենք բոլորս շիվար կանգնած ենք խաչմերուկին. ու յուրաքանչյուրն ինչ-որ խառը ճամփա է ընտրում... չիմացության ճամփան է. մոլոր: Փշուր- փշուր մեր ապրածի պատառիկները պիտի թողնենք ճամփեքին, որ հետևից եկողը գոնե չմոլորվի., թե նպատակ չունի, գոնե ճանապարհ ունենա: 2 օր դադար էր. մի քիչ լավ չէի... Նարեկ չէի ձայնագրում ու ՏԳ- ում չէի ներբեռնում. այսօր անպայման նոր Բան- ը կկարդամ ու կներբեռնեմ ... Մի փշրվեք... դեռ շատ անելիք կա... դեռ գոնե մի կես կյանք ապրելիք կա... #nazenihovhannisyan #2023 #artsakh

Հ.Գ. նկարս լավ առումով կապ չունի էս պահիս զգացածի ու գրածի հետ) անհոգներին երանի՜... հազար երանի՜