ՔՊ անդամները նույնպե՞ս համոզված են, որ Հայաստանի և Արցախի դեմ Ադրբեջանի ագրեսիայի հիմնական պատճառը հենց Նիկոլ Փաշինյանն էր. Լուսանկարներ

Հուլիսի 5-ին ՔՊ պատգամավոր Գևորգ Պապոյանը հայտարարել է, որ «Հայաքվե» նախաձեռնության պատճառով Ադրբեջանը կարող է հարձակվել Հայաստանի վրա, իսկ մի քանի օր առաջ ՔՊ մեկ այլ պատգամավոր Լուլուն (Լուսինե Բադալյանը` խմբ.) ընդդիմությանը մեղադրեց  Ֆրանսիայի նախագահին հակաադրբեջանական ելույթների հրահրելու համար։

Կարծես թե Նիկոլ Փաշինյանն իր թիմի անդամներին հրահանգել է ավելի ակտիվ հանդես գալ ադրբեջանամետ թեզերով։ Կոնկրետ այս քաղաքականության դրսեւորում կարելի է համարել նաեւ ՔՊ մեկ այլ պատգամավոր Մարիա Կարապետյանի հայտարարությունը, ով Հայաստանի անունից հայտարարել էր, որ ՀՀ-ն ճանաչում է Ղարաբաղը` որպես Ադրբեջանի մաս։

Մեզ այնքան էլ չի հետաքրքրում այս քաղաքական թափթփուկների գնահատականները այս կամ այն ​​քաղաքական նախաձեռնության կամ խնդրի վերաբերյալ, հարցն այս դեպքում հետևյալն է՝ Փաշինյանի խմբակցության անդամների բոլոր նմանօրինակ թեզերը իրականում ակնարկում են այն մասին, որ, եթե Հայաստանում հակաադրբեջանական հայտարարությունների աճ արձանագրվի, ապա Ադրբեջանի հետ նոր պատերազմի կհանգեցնի:

Հիշեցնենք, որ Հայաստանի ընդդիմությունը Նիկոլ Փաշինյանին մեղադրում է բանակցային գործընթացը վիժեցնելու,  «Արցախը Հայաստան է և վերջ» անպատասխանատու հայտարարության, 2020 թվականի ամռանը տավուշյան արկածախնդրության, ԵԱՀԿ Մինսկի խմբի համանախագահներին ծաղրելու, հայ-ռուսական հարաբերությունների նպատակային ոչնչացման մեջ, ինչն իր հերթին «դուռ բացեց» Հայաստանի և Արցախի դեմ ադրբեջանական ագրեսիային։

Փաստորեն, այսօր նույնիսկ ԱԺ «Քաղաքացիական պայմանագիր» խմբակցության պատգամավոր Գևորգ Պապոյանն է ընդունում, որ հայկական երկու պետությունների դեմ Ադրբեջանի ագրեսիայի գլխավոր մեղավորներից մեկը եղել է անձամբ Նիկոլ Փաշինյանը։

Այն, որ ԱԺ-ում Փաշինյանի թիմի անդամները «շեֆի գրպանում են» և իրավունք չունեն շեֆի կարծիքից անկախ կարծիք հայտնելու, հայտնի է բոլորին, սակայն այսօր Հայաստանում իրավիճակն այսպիսին է, որ ՔՊ պատգամավորը, կատարելով իրենց շեֆի հրամանները, անուղղակիորեն հաստատում են իրենց մեղքը 44-օրյա պատերազմը սանձազերծելու համար։

Ոչ ոք չի մոռացվի, ոչինչ չի մոռացվի:

Սա է իրականությունը

Դավիթ Մկրտչյան