«Դովեղի դպրոցի շինարարները 2 ամիս աշխատավարձ չեն ստացել». Ոսկան Սարգսյան

«Տավուշի Սահմանամերձ Դովեղ գյուղի դպրոցի շինարարությունն արդեն 15 օր դադարեցված է, շինարարները գործադուլի են դիմել, որովհետև արդեն երկրորդ ամիսն է՝ աշխատավարձ չեն ստանում։ Դպրոցի շինարարությունը պետական բյուջեի ֆինանսավորմամբ իրականացնում է «Կանժինստրոյ» ընկերությունը։ Դպրոցի շինարարությունում շախատող բանվորները դժգոհեցին, որ իրենք անձրևային եղանակին աշխատել են, իսկ հիմա, երբ արևային եղանակ է, ստիպված դադարեցրել են աշխատանքը։ Խնդրի մասին տեղյակ է նաև Տավուշի մարզպետ Հայկ Ղալումյանը:

Վարչապետ Նիկոլ Փաշինյանը մայիսի վերջին Տավուշի մարզ կատարած այցի շրջանակներում այցելել է Դովեղի դպրոցի շինարարություն, բանվորներին հորդորել ետ չմնալ շինարարության ժամանակացույցից։ Հեռախոսազրույց ունեցա դպրոցի շինարարության աշխղեկ, Նոյեմբերյանի նախկին քաղաքապետ Սերյոժա Ամիրաղյանի հետ։ Նա հայտնեց, որ նախկինում կատարված աշխատանքների համար, որոնք կատարվել են պահանջվող որակով, ֆինանսավորում չի կատարվել: Մյուս խնդիրն այն է, որ դպրոցի շինարության տարածքը ոչ թե 3-րդ կարգի, փափուկ գրանուտ է, այլ 5-րդ կարգի, ժայռոտ տեղանք, որ քանդելու համար շինարարական տեխնիկա, մեծ աշխատանք է կատարվել, անհարաժեշտ է լրացուցիչ ֆինանսավորում»:

Ոսկան Սարգսյանի ֆեյսբուքյան էջից