Քաղաքացիները համաձայն չեն Փաշինյանի հետ. վարչապետի տիկինն իրավունք չուներ գտնվելու գլխավոր հրամանատարական կետում

ՀՀ քաղաքացիները չեն ընդունում Նիկոլ Փաշինյանի արդարացումները` պատերազմի ժամանակ իր կնոջ` հրամանատարական կետում լինելու փաստի վերաբերյալ: Ավելին, կարծում են, որ նա իրավունք չուներ այնտեղ գտնվելու:

Աննա Հակոբյանի կողմից «բունկեր» այցելելու հարցը դեռևս պատերազմի ժամանակահատվածում բավականին մեծ աղմուկ էր բարձրացրել։ Ավելի ուշ՝ 44-օրյա պատերազմի հանգամանքներն ուսումնասիրող ԱԺ Քննիչ հանձնաժողովի նիստին, Նիկոլ Փաշինյանը , հայտարարել էր, որ իր կինը գլխավոր հրամանատարական կետ «սիմվոլիկ» այց էր կատարել, որպեսզի հրամանատարները տեսնեին, որ վարչապետի կինն Արցախում է։

«Փաստինֆո»-ն հարցում էր կազմակերպել Յութուբ-ի իր ալիքում` պարզելու, թե ինչ են մտածում մեր քաղաքացիները` պատերազմի ժամանակ վարչապետի կինը պե՞տք է իրավունք ունենա՝ ըստ իր ցանկության, «սիմվոլիկ» այցելել հրամանատարական կետ, որտեղ ռազմավարական ու մարտավարական կարեւոր որոշումներ են կայացվում։

Հարցմանը մասնակցել է 5,500 մարդ, որից 71 տոկոսը դեմ է արտահայտվել Փաշինյանի մոտեցմանը ու գտնում է, որ կինն այնտեղ գնալու իրավունք չուներ, ավելինէ 6 տոկոսը կարծում է, որ այն զբոսանքի վայր չէ: Եւ միայն 19 տոկոսն է համարել, որ Աննա Հակոբյանը կարող էր այցելել «բունկեր»:

Հարցման մասնակիցների մնացած 4 տոկոսը չեզոք դիրքորոշում են դրսևորել՝ չկարողանալով կողմնորոշվել, թե այդուհանդերձ, ներկայացված տարբերակներից որն է ճիշտ, որը՝ ոչ։

Աղբյուր` Փաստինֆո