Մասսայական ձերբակալություններ Սաուդյան Արաբիայում. ձերբակալվել են թագաժառանգներ. Տեսանյութ

Սաուդյան Արաբիայում կոռուպցիայի մեղադրանքով ձերբակավել են 11 թագաժառանգ, 4 նախարար և 34 նախկին նախարար, այս մասին հայտնում է արաբական Al Arabiya հեռուստաալիքը:

Ձերբակալվածների մեջ է  միլիարդատեր ալ Վալիդ բին Թալյալը, որի կարողությունը ըստ Forbes -ի 2016թ. գնահատականի, կազմել է 17 մլրդ դոլար` զբաղեցնելով երկրագնդի ամենահարուստ մարդկանց ցուցակում 41-րդ տեղը:

Ձերբակալվել է նաև միլիարդատեր Սալեհ Աբդուլա Կամելը, որի կարողությունը նույնպես հրատարակել էր Forbes -ը 2016թ -ին` 2 միլիարդ դոլար, ինչպես նաև` Վալիդ բին Իբրահիմ ալ Իբրահիմը` Middle East Broadcasting Center- ի ղեկավարը, որի կարողությունը 2012-ին գնահատվել է 10 միլիարդ դոլար:  

Ձերբակալությունները ընթացել են նոր հակակոռուպցիոն կոմիտեի գործունեության ընթացակարգին համամաձայն, որը ղեկավարում է թագաժառանգ Մոհամմեդ բին Սալմանը: Սպասվում է, որ նա հաջորդ տարի կբարձրանա թագավորական գահին: 

Նշվում է, որ այս հակակոռուպցիոն կոմիտեն իրավունք ունի հետաքննել, ձերբակալել հետաքննել և սառեցնել այն անհատների հաշիվները, որոնք ֆինանսական խարդախությունների մեջ մասնակցություն ունեն:

Ավելի ուշ Սաուդյան Արաբիայի թագավոր Սալման բեն Աբդել Ազիզ Ալ Սաուդը  հայտարարել է, որ թագավորությունում սկսվել է իրականացվել մասշտաբային հակակոռուպցիոն ծրագիր, որի նպատակն է արմատախիլ անել պաշտոնական դիրքի չարաշահումը:

Zham.am