Ինչո՞ւ է Գրուգեն Արսենյանը ցանկանում ծառայել Նիկոլ Փաշինյանին մինչև «վերջին հայի կյանքը». Տեսանյութ
Երեկ՝ հունիսի 19-ին, Գուրգեն Արսենյանն արեց իր հերթական, օրիգինալ հակահայկական հայտարարությունը: Այս անձը հայտարարեց, որ Հայաստանի և Վրաստանի միջև առանց վիզայի ռեժիմը, երբ կարելի է միմյանց երկրներ մուտք գործել առանց անձնագրերի և միայն նույնականացման քարտերի, պետք է տարածվի նաև Թուրքիայի և Ադրբեջանի վրա։ Հարցին, թե պատրա՞ստ են Թուրքիան և Ադրբեջանը նույն քայլին դիմել Հայաստանի հետ հարաբերություններում, Արսենյանը կրկին «օրիգինալ պատասխան» է տվել՝ հայտարարելով, որ Հայաստանի համար պատասխանատվություն պետք է կրեն ՀՀ իշխանությունները, իսկ Թուրքիայի և Ադրբեջանի համար՝ իրենց իշխանությունները։
Գուրգեն Արսենյանը չսահմանափակվեց այս թեմայով և հայտարարեց, որ Հայաստանի և Հունգարիայի միջև դիվանագիտական հարաբերությունների խզումը սխալ էր Բուդապեշտի կողմից՝ Ռամիլ Սաֆարովին պաշտոնական Ադրբեջանին արտահանձնելու պատճառով՝ դա հիմնավորելով նրանով, որ, ուշադրություն, Հունգարիայի ժողովուրդը կապ չունի իր իշխանությունների հետ, որոնք Սաֆարովին արտահանձնեցին Իլհամ Ալիևին։
Առաջին հայացքից ընթերցողին կարող է թվալ, թե գործ ունենք մի խելագարի հետ, ով Հայաստանի Ազգային ժողովում ստանձնել է «թուրք-ադրբեջանական տանդեմի խոսնակի» դերը, սակայն սա զգացմունքային գնահատական է։ Գուրգեն Արսենյանը թքած ունի հայ ժողովրդի և հայկական պետության շահերի վրա, նրան չի հետաքրքրում նաև Թուրքիայի և Ադրբեջանի շահերը։ Նա իրականում ստանձնել է Նիկոլ Փաշինյանի համար «Օվերտոնի պատուհաններ» բացողի դերը, ինչը վերջինիս հեշտացնում է քայլ առ քայլ հակապետական ծրագրերի իրականացումը։
Վաղը, երբ Փաշինյանի իշխանությունը տապալվի, Գուրգեն Արսենյանն իրեն կարդարացնի՝ ասելով, որ որդու պատճառով նա «գերի էր ընկել Նիկոլ Փաշինյանի մոտ», սակայն Փաշինյանի իշխանությանը փոխարինող նոր իշխանությունը չի կրկնի անցյալի սխալները, իսկ Գուրգեն Արսենյանը թույլ չի տա մնալ Ազգային ժողովում, այլեւ պատասխանատվության կկանչվի իր ժողովրդի դեմ կատարած հանցագործությունների համար: Իսկ այդ հանցագործությունների բովանդակությունը ներկայացնելու է հատուկ մարմին, որը կստեղծվի իշխանափոխությունից հետո՝ «գուրգենարսենյանների» կոնկրետ հանցագործությունները քննելու նպատակով։
Սա է իրականությունը
Դավիթ Մկրտչյան
Հետևեք մեզ Facebook-ում