ՀՀ ԱԳՆ-ն սպասում է ՀՀ տարածքում Ադրբեջանի դրոշի բարձրացման միջադեպի վերաբերյալ ՌԴ արձագանքին
Հայաստանը սպասում է Ռուսաստանի պաշտոնական արձագանքին երկու պետությունների սահմանին գտնվող Հակարիի կամրջի մոտ ՌԴ զինվորականների հետ Ադրբեջանի դրոշի բարձրացման հետ կապված միջադեպին։ Այս մասին ճեպազրույցում ասել է փոխարտգործնախարար Վահան Կոստանյանը։
«Միջադեպը քննվում է, ՀՀ արտաքին գործերի նախարարությունը ներկայացրել է իր դիրքորոշումն ու մտահոգություններն այս հարցում, կսպասենք պաշտոնական արձագանքի»,- ասաց նա։
Հունիսի 15-ին, վաղ առավոտյան, միջադեպ է տեղի ունեցել Հայաստանի և Ադրբեջանի սահմանին։ Ինչպես հաղորդում է Հայաստանի սահմանային ծառայությունը, մի խումբ ադրբեջանցի զինվորականներ փորձել են Հայաստանի տարածքում տեղադրել Ադրբեջանի պետական դրոշը։ Նախարարությունը նշել է, որ հայկական կողմը կանխել է ադրբեջանական զինուժի առաջխաղացումը և դրոշը բացելու փորձը։ Հայկական սոցիալական ցանցերում հրապարակված տեսանյութի համաձայն՝ դեպքի վայրում ռուս խաղաղապահներ են եղել։
Հունիսի 16-ին Հայաստանի ԱԳՆ-ում ՌԴ դեսպան Սերգեյ Կոպիրկինի մասնակցությամբ հանդիպում է տեղի ունեցել, որի ընթացքում արտահայտվել է Հայաստանի սուր դժգոհությունը այս միջադեպի կապակցությամբ։
Հետևեք մեզ Facebook-ում