Արմեն Աշոտյանի կալանքի միջնորդության քննարկման դատական նիստը տեղի կունենա այսօր՝ ժամը 20:00-ին

«Ձերբակալում են Արմեն Աշոտյանին»։ 

Այս մասին ֆեյսբուքյան էջում գրել է փաստաբան Տիգրան Աթանեսյանը՝ նշելով, որ մանրամասները կներկայացնի ավելի ուշ։

***

Էդուարդ Շարմազանովը Sputnik Արմենիաին հաստատեց Աշոտյանին ձերբակալելու տեղեկությունը

***

Արմեն Աշոտյանը ձերբակալվել է ՀՀ քննչական կոմիտեի հատկապես կարեւոր գործերի քննության գլխավոր վարչությունում քննվող՝ «Երեւանի Մխիթար Հերացու անվան պետական բժշկական համալսարան» հիմնադրամում կատարված առերեւույթ  չարաշահումներին վերաբերող քրեական վարույթի շրջանակներում՝ խափանման միջոցի պայմանները խախտելու հիմքով։ Այս մասին NEWS.am-ը տեղեկացավ ՔԿ խոսնակ Գոռ Աբրահամյանից:

Աբրահամյանն ասաց, որ նրա հետ այս պահին կատարվում են անհրաժեշտ քննչական գործողություններ։

«Ավելի ուշ ՀՀ քննչական կոմիտեն հանրությանը տեղեկատվություն կտրամադրի՝ կոնկրետ մանրամասնություններով ու փաստերով»,- նշեց ՔԿ խոսնակը:

***

***

Այսօր ձերբակալվել է Կրթության, գիտության նախկին նախարար Արմեն Աշոտյանը:

Քննչական կոմիտեի մամուլի ծառայության պետ Գոռ Աբրահամյանը «Հետք»-ին փոխանցեց, որ Արմեն Աշոտյանը ձերբակալվել է Քննչական կոմիտեի հատկապես կարևոր գործերի քննության գլխավոր վարչությունում քննվող՝ «Երևանի Մխիթար Հերացու անվան պետական բժշկական համալսարան» հիմնադրամում կատարված առերևույթ  չարաշահումներին վերաբերող քրեական վարույթի շրջանակներում՝ խափանման միջոցի պայմանները խախտելու հիմքով։

Նշենք, որ Աշոտյանն ունի մեղադրյալի կարգավիճակ: Նա մեղադրվում է պաշտոնեական դիրքի չարաշահման և փողերի լվացման համար, որն առաջացրել է ծանր հետևանքներ։

Ըստ Աբրահամյանի՝ այս պահին կատարվում են անհրաժեշտ քննչական գործողություններ, ավելի ուշ մանրամասներ կհայտնեն:

 ***

«Արմեն Աշոտյանի կալանքի միջնորդության քննարկման դատական նիստը տեղի կունենա այսօր՝ ժամը 20:00-ին, ՀՀ հակակոռուպցիոն դատարանում՝ դատավոր Սարգիս Դադոյանի նախագահությամբ»:

Այս մասին ֆեյսբուքյան էջում գրել է փաստաբան Տիգրան Աթանեսյանը: