Ադրբեջանցիները հիստերիայի մեջ են ընկել Պոկլոնսկայայի "հայամետ" գնահատականների համար

Ինչպես հայտնի է, Ռուսաստանում մեծ աղմուկ է բարձրացել "Մատիլդա" ֆիլմի շուրջ: Ֆիլմը պատմում է Ռուսաստանի վերջին թագավոոր Նիկոլայ Երկրորդի սիրավեպի մասին` լեհ պարուհու` Քշեսինսկայայի հետ: Ֆիլմի այս սյուժեն մեծ վիճաբանություն է առաջացրել ռուս հասարակության մեջ: Ռուս հասարակության պահպանողական և կրոնամոլ շրջանակները քննադատում են ֆիլմի ռեժիսոր Ալեքսել Ուչիտելին, որ նա համարձակվել է Նիկոլայ Երկրորդին ներկայացնել փլեյբոյի դերում, մինչդեռ Նիկոլայ Երկրորդը սրբացվել էր Ռուսական ուղղափառ եկեղեցու կողմից: Ռուսական պահպանողական շրջանակների այս բողոքի ալիքը հրապարակային մասով ղեկավարում է Ղրիմի նախկին դատախազ, արդեն հայտնի դարձած Նատալյա Պոկլոնսկայան, ով հայտարարում է, որ ռուսաց վերջին թագավորին փլեյբոյի դերում ներկայացնելը սրբապղծություն է: Ավելին, Պոկլոնսկայային զայրացրել է այն հանգամանքը, որ այս ֆիլմի ռեժիսորը Նիկոլայ Երկրորդի դերում հրավիրել է գերմանացի պոռնոաստղի, ով սկանդալային դերասան է համարվում Գերմանիայում: Պոկլոնսկայան պահանջում է արգելել այս ֆիլմի ցուցադրումը ողջ Ռուսաստանով մեկ, և նույնիսկ դիմել է գլխավոր դատախազին, սակայն նրա դիմումն անարձագանք է մնացել:
Թվում է, թե ներռուսաստանյան այս կոնֆլիկտը չպետք է նյարդայնացներ Ադրբեջանցիներին: Սակայն նրանք խիստ նյարդայնացրել են Պոկլոնսկայայի այն խոսքերից, որ Նիկոլայ Երկրորդի թեման այնպիսի թեմա է, ինչպես օրինակ, հրեական հոլոքոստը և հայկական ցեղասպանությունը: Եվ ըստ Պոկլոնսկայայի, այս երեք հարցերում էլ իշխանությունները պետք է կոշտ լինեն. Հոլոքոստի, հայկական ցեղասպանության ժխտումը պետք է պատժվի, ինչպես նաև պետք է պատժվի ռուս ուղղափառ եկեղեցու կողմից սրբացված անձի ծաղրանքը: Հենց այս խոսքերն էլ զայրացրել է ադրբեջանցիներին:

Zham.am