Մումիային թաղելու պատճառով նախարարին հեռացրել են աշխատանքից. Լուսանկար

Կիրգիզիայի մշակույթի, տեղեկատվության և զբոսաշրջության նախարար Տուգելբայ Կազակովը որոշել է թաղել թանգարանային նմուշ` կնոջ մումիան այն բանից հետո, երբ դա պահանջել է տեղի հոգևորականությունը, տեղեկացնում է «Интерфакс»-ը` հղում անելով Կիրգիզիայի լրատվական աղբյուրներին: Սրանից հետո երկրի նախագահ Աթամբաևը հրաման է ստորագրել Կազակովի պաշտոնից ազատելու մասին, սակայն լրատվական ծառայությունները չեն նշել ազատման պատճառը:

Կիրգիզիայում այս փաստը հասարակական հնչեղություն է ձեռք բերել: Մումիա - կինը մթ. 1-5-րդ դարերի վկան էր: Այն 1950 թվականից պահվում էր Ազգային թանգարանում: Այդուհանդերձ, հոգևորականների պահանջից հետո մումիային թաղել են Կիրգիզիայի հարավում` մուսուլմանական ավանդույթների համաձայն: 

Հոգևորականներն իրենց պահանջը բացատրել են նրանով, որ թանգարանը մումիային պահելու բավարար պայմաններ չուներ: Հնեաբանները, սակայն, իրենց հերթին պահանջում են վերադարձնել մումիային` թանգարան և հոգևորականների պահանջը բացատրում են այն բանով, որ ըստ շարիաթի` մարդու մումիան պետք է հողին հանձնել:

Ազգային թանգարանը գտնում է, որ մումիային թաղելու որոշում կայացրել են մարդիկ, որոնք  չեն գնահատում այդ գտածոյի գիտական արժեքը:

Մումիային թաղելու որոշումը չի արդարացրել նաև նախագահ Ատամբաևը` "մեծ սխալ" անվանելով այդ ամենը: 

Zham.am