Հնդկաստանում անմարդկային ծեծի են ենթարկել շվեյցարացի տուրիստներին

24-ամյա շվեյցարացի զբոսաշրջիկներ Քվենտին Ժերմի Կլերին և Մարի Դրոզին Հնդկաստանում զբոսանքի ժամանակ սկսել են հետապնդել մի խումբ երիտասարդներ, որոնք անընդհատ ինչ- որ բաներ են ասել, սակայն վերջիններս ոչինչ չեն հասկացել: Այդ ժամանակ տեղաբնակները ստիպել են նրանց կանգնել, որպեսզի սելֆիներ անեն Մարիի հետ: Տեսնելով, որ զույգը չի համաձայնվում, նրանք սկսել են քարեր և փայտի կտորներ շպրտել նրանց վրա, չեն խնայել անգամ աղջկան:

Արդյունքում նրանց տեղափոխել են Դելիի հիվանդանոցներից մեկը: Երիտասարդ տղան հայտնվել է վերակենդանացման բաժանմունքում` գանգուղեղի կոտրվածքով և գլխուղեղի հեմատոմայով, իսկ աղջիկը` ձեռքի կոտրվածքով և մարմնի վրա բազմաթիվ կապտուկներով:

Բժիշկներն ասել են, որ վնասվել է տղայի ականջի լսողական ներվը:

Ինչպես հաղորդել են Դելիի ինֆորմացիոն աղբյուրները, տեղի իրավապահ մարմինները պարզել են հարձակվողներից երեքի ինքնությունը: Նշվում է նաև, որ զույգը ոստիկանություն չի դիմել: Սակայն նրանք պատմել են, որ անցորդները օգնելու փոխարեն սկսել են հեռախոսներով նկարահանել ամենը:

Դեպքը կատարվել է Ագրայում, որը հայտնի է ոչ միայն այդ շրջանում Թաջ Մահալի տեղակայմամբ, այլ նաև ավազակային հարձակումների և դեպքերի հաճախակիությամբ:

Zham.am