Ճիշտ է՝ Ալիևը հրապարակավ չի ասել՝ ճանաչում է ՀՀ 29 800 քկմ տարածքը, բայց չի առարկել. Միրզոյան. Տեսանյութ
ԱԺ «Հայաստան» խմբակցության պատգամավոր Գեղամ Մանուկյանը, այսօր՝ 2022թ-ի բյուջեի կատարողականի զեկույցի ժամանակ, դիմելով ՀՀ ԱԳ նախարար Արարատ Միրզոյանին, հարցրեց.
«ՀՀ-ն որևէ այլ երկրի հետ դիվանագիտական հարաբերություններ հաստատելիս որևէ այլ երկրի դեպքում տարածքային ամբողջականություն հստակ մակերեսով ճանաչե՞լ է: Նշում եք, որ ՀՀ-ն միշտ ճանաչել է Ադրբեջանի տարածքային ամբողջականությունը: Որ միշտ ճանաչվել եք, ինչո՞ւ եք մի քանի անգամ զորակոչ ընդունելիս զորքեր ուղարկել ԼՂ»:
Արարատ Միրզոյանը արձագանքելով հարցին, ասաց. «Որևէ երկրի փոխադարձ ճանաչման, հարաբերությունների հաստատման պայմանագրում ենթադրում եմ՝ չկա մակերեսի հիշատակում, և Հայաստանի դեմքում 29.8-ը և Ադրբեջանի 86.6-ը քաղաքական հայտարարություններ են: Սրանք այն մասին են, որ ՀՀ-ն չունի տարածքային պահանջ Ադրբեջանից, և Ադրբեջանը չունի տարածքային պահանջ Հայաստանի Հանրապետությունից՝ այն մակերեսով, այն սահմաններով, որոնք եղել են Խորհրդային միության մաս կազմող երկու սոցիալիստական հանրապետությունների համար»:
Մանրամասները՝ տեսանյութում:
Հետևեք մեզ Facebook-ում