Ճապոնուհին 20 000 դոլար է պահանջում իր դպրոցից` մազերը ներկելու համար

Ճապոնական դպրոցի ադմինիստրացիան 18-ամյա աղջկանից պահանջել է սև ներկել բնականից շագանակագույն մազերը` բացատրելով դա դպրոցի կարգուկանոնով: Ի դեպ, ճապոնական մի շարք դպրոցներում ընդունված ընդհանուր կարգից բացի կան նաև լրացուցիչ պարտականություններ: Օրինակ վերոնշյալ դպրոցում` մազերի սև գույնը: 

Ճապունուհին դադարել է հաճախել դպրոց սկսած 2016 թվականից, այն բանից հետո, երբ նրան արգելել են մասնակցել դպրոցական ուղևորությանը և աշակերտների անվանացուցակից հեռացրել են նրա անունը:

Դատարան ներկայացրած իր բողոքում աղջիկը նշել է, որ թեպետ հոգեբանական ծանր վիճակին, ինքը ստիպված է եղել ներկել նազերը, որի պատճառով խնդիրներ են առաջացել թե մազերի, թե գլխամաշկի հետ: Նա դպրոցից 20 000 դոլար է պահանջում:

Ինչպես նշում է Republic.ru--ն` հղում անելով Quartz-ին, տեղի կրթության վարչության ներկայացուցիչները հրաժարվել են որևէ բացատրություն տալ մինչև դատը:

Ի դեպ, Ճապոնական որոշ դպրոցներում էլ կտրականապես արգելվում է ներկել մազերը, և նույնիսկ աղջիկներից պահանջում են ներկայացնել մանկության նկարներ, որտեղ երևում է նրանց մազերի բնական գույնը:

Zham.am