Կարկառուն ՔՊ-ական Գարիկ Սարգսյանն իր վարորդներին բարձր պաշտոնների է է նշանակել

Արարատի մարզի Վեդի խոշորացված համայնքի ղեկավար Գարիկ Սարգսյանը, որը ժողովրդին առավել հայտնի է «կոկորդիլոսագետ» մականվամբ, պաշտոնների նշանակման հարցում շարունակում է առաջնորդվել խնամի, ծանոթ, բարեկամ սկզբունքով։ Մարզպետ եղած ժամանակ մորաքրոջ հարսներին աշխատանքի տեղավորելուց հետո հերթն այսօր ընկերներինն է։

Oragir.News-ին հայտնի դարձավ, որ Գարիկ Սարգսյանը 2022 թվականի հունվարին, երբ իր քավորի՝ Նիկոլ Փաշինյանի հրամանով նշանակվել էր Վեդի համայնքի ղեկավարի ժամանակավոր պաշտոնակատար, իր ընկերոջը՝ Նոր Կյանք բնակավայրի բնակիչ Պողոս Շահինյանին, աշխատանքի էր տեղավորել որպես իր վարորդ, իսկ 1 տարի անց՝ 2023 թվականի հունվարին, պաշտոնի բարձրացում է արել, վարորդին նշանակել է «Կոմունալ սպասարկում և բարեկարգում» ՀՈԱԿ-ի տնօրեն։ Բայց սա Սարգսյանի միակ նշանակում չէ։

Պարզվում է՝ Գարիկ Սարգսյանը չի մոռացել նաև մարզպետ եղած ժամանակ իր մոտ վարորդ աշխատած ընկերոջը՝ Նոր Կյանքի բնակիչ Արտակ Դավթյանին։ Մոտ 1 ամիս առաջ այս վարորդին նշանակել է իր օգնական, բայց ինչպես մեր աղբյուրներն են փոխանցում, այս ընկերոջը ևս պաշտոնի բարձրացում է սպասվում․ «Վեդիում արդեն խոսակցություններ կան, որ այս ընկերոջն էլ նշանակելու է Վեդի համայնքի Քաղաքաշինության բաժնի պետ»։

Հիշեցնենք, որ մարզպետ եղած ժամանակ Գարիկ Սարգսյանը, բացի կոկորդիլոսաբուծարան բացելու վերաբերյալ հայտարարությունից, աչքի է ընկել նաև մորաքրոջ հարսներին աշխատանքի տեղավորելու ձգտումով։ Մամուլը բազմիցս գրել է, որ Գարիկ Սարգսյանը մի մորաքրոջ հարսին մարզպետարանում է տեղավորել աշխատանքի, մյուսին՝ դպրոցում․․․