Իշխանության մեջ շատերը դիսկոմֆորտ են զգում, բայց ասում են հրաժարական տանք, ու՞մ միանանք. Վահե Հովհաննիսյան. Տեսանյութ

Իշխանության մեջ շատերը դիսկոմֆորտ են զգում, բայց ասում են հրաժարական տանք, ու՞մ միանանք։

«Կիզակետում Արկադի Գրիգորյանի հետ» հաղորդման ժամանակ ասել է «Այլընտրանքային նախագծեր» խմբի անդամ Վահե Հովհաննիսյանը․

«Իշխանության ներսում տարբեր մարդկանց հետ եմ խոսել։ Շատերի մոտ դիսկմոֆորտ կա՝ լինել իշխանության մեջ։ Հասկանում են, որ վատ բան է կատարվում հայրենիքի հետ, վաղը կարող է իրենց երեխաների աչքերին նայելու իրավունք չունենան։

Բայց այդ մարդիկ նաև ասում են՝ հրաժարական տանք, ինչի՞ն միանանք, ու՞ր է փողոցի գրագետ պրոցեսը, կոնսոլիդացնող լիդերը։ Ասում են՝ չենք վստահում սրան, նրան, կարող է հոգնեն, գնան տուն, կարող է Նիկոլի կառավարության հետ բիզնես անեն»,-նշել է Հովհաննիսյանը։

Նրա գնահատմամբ, իշխանությունը գնում է ազգային կանիբալիզմի ճանապարհով՝ մի մասը՝ 120 հազարին կեր, մյուսը պահեմ։ Միաժամանակ Հովհաննիսյանը վստահ է, որ դավաճաններից ու «մաուզերիստներից» բացի, Արամներ են ծնվելու, էքստրեմալ մթնոլորտը կծնի։ Նրա կարծիքով իշխանությունները երկիրը դարձրել են Արևմուտք-ՌԴ բախման կիզակետ և Հայաստանը հակառուսական ֆորպոստ սարքելու համար Արևմուտքը ամեն ինչի վրա աչք է փակում։ Իսկ Քիշնևի հանդիպմանը քաղաքագետը պայմանագրի ստորագրում չի կանխատեսում, քանի որ ըստ նրա, Փաշինյանը հասկանում է, որ թուղթ ստորագրելը պայթյուն կառաջացնի երկրում։

Հարցազրույցն ամբողջությամբ՝ Tert.am-ի տեսանյութում