Ինձ շատ անհանգստացնում է այդ շերտերի և ընտրազանգվածի հետ ապրող, նրան նայող ու լսող, նրանից բան սովորող և նրա կողմից դաստիարակվող սերունդը

Շուրջ երեք տարի է, որ չկա որևէ պետական մակարդակի տոն, որը չի վերածվել պետական մակարդակով իմաստազրկված նսեմացման զգացումի: Արդեն երեք տարի է, որ պետականության իմաստազրկման քաղաքական մշակույթը իշխանությունը արմատավորելով իր շարքերում և իր ընտրազանգվածի մեջ չշարունակի սննկացնել: 

Ինձ չի անհանգստացնում Փաշինյանական մտածողություն ու արժեհամակարգ ունեցող 10% ընտրազանգվածը կամ հանրային շերտը: Նրանք եղել են միշտ, կան և լինելու են միշտ: Երբևէ, որևէ իշխանություն սեփական շահի համար այս շերտերի որակն ու բնույթը քաղաքական դոմինանտության չի հասցրել և դրանով ստացել տեսիլքային ծավալի էֆեկտ: Սա այն հասարակաքաղաքական նստվածքն է, որն իր մեջ խտացրել է մաղձն ու տգիտությունը, այժմ էլ դառնալով այս իշխանության համար միաժամանակ քաղաքական կերակուր և քաղաքական կենարար ուժի աղբյուր: 

Նրանք ինձ չեն հետաքրքրում: 

Ինձ շատ անհանգստացնում է այդ շերտերի և ընտրազանգվածի հետ ապրող, նրան նայող ու լսող, նրանից բան սովորող և նրա կողմից դաստիարակվող սերունդը: Այդ սերունդը այս տեմպերեմով ոչ թե հայրենիքին «կադաստրի վկայագրի» մակարդակով, այլ նույնիսկ «ժեկի տեղեկանքի» մակարդակով պահանջատեր ու պատվախնդիր չի լինելու: Սա է պետականության ընկալմանն ու արժևորմանը սպառնացող իրական վտանգն ու սպառնալիքը: 

P.S. Համառ տեսակով ու հիմնավոր հավատամքով պետք է դիմակայել: Զանգերը պետք է ղողանջեն: Մտքերը պետք է լսվեն: Լուծումները պետք է տրվեն: Հայրենիքը պետք է պահվի: Մի դադարեք: Շնորհավոր մայիսի 28:

Վլադիմիր Մարտիրոսյանի ֆեյսբուքյան էջից