Մարզական տեսանկյունից՝ պարտավոր ենք շնորհավորել լրտեսախմբին՝ հայ ժողովրդի դեմ տարած ջախջախիչ հաղթանակի համար, բայց ես դա չեմ անի

ԼՐՏԵՍԱԽՈՒՄԲԸ ՎԵՐԱՑՐԵՑ ՀԱՅՈՑ ՊԵՏԱԿԱՆՈՒԹՅՈՒՆԸ

Տարիներ շարունակ օտարի կողմից վարձատրվելով, գումարի դիմաց պահանջվող ծառայություններ մատուցելով (ազգային արժեքների վերացում, սեռական այլասերումների և թմրանյութերի պրոպագանդում, կեղծ մարդասիրական արժեհամակարգի ձևավորումներ և օրենքով ամրագրումներ, առանցքային խնդիրների շուրջ ձևավորվող միասնականության տրոհումներ) ազգադավ գոյանքներին հաջողվեց բարոյազրկել սոցիալական խնդիրների մեջ հայտնված հանրությանը, վերացնելով Հայոց պետականությունը: Դավաճանությունը կատարվեց թմրեցնող հմայանքների, խաբեությունների, խաղաղության կեղծ օրակարգի մատուցմամբ:

Իրականությունը երևակայական խաբկանքի հետ փոխարինելով, հանրությունը մղվեց ինքնաոչնչացման՝ դարերով ձևավորված ինքնության առանձնահատկությունները շրջանցելով: Դավաճանախումբը լավ էր ընտրված՝ անազգ, անհայրենիք, դասալիք, սեռախեղվածների հավելումով: Այսօրվա հերոսը Նժդեհն ու Անդրանիկը, Վազգենն ու Մոնթեն չեն, այսօրվա հերոսը աշոտիկն է՝ մարտադաշտից փախած, որդեկորույս հերոսի մորը սադրող և զրպարտելով գործ տվող աշոտիկը: Մարզական տեսանկյունից՝ պարտավոր ենք շնորհավորել լրտեսախմբին՝ հայ ժողովրդի դեմ տարած ջախջախիչ հաղթանակի համար, բայց ես դա չեմ անի, որովհետև այս հաղթանակը՝ ստի, կեղծիքի, ատելության ներհյուսման շնորհիվ են կորզել:

Ես գտնելու եմ Եռաբլուրի անանձնական սիրո նվիրական ասպետներին և հերոսացածների իրենց հոգու զորությամբ տրորելու եմ Հայոց պետականությունը վերացրած դավաճաններին:

Խաչիկ Մանուկյանի ֆեյսբուքյան էջից