Երբ, եթե ոչ հիմա․ ով, եթե ոչ ես

Իմ ու շատերի համար Նիկոլ Փաշինյանը նոր բան չի ասել: Նա սրան երկար էր պատրաստվում: Այսօր պարզապես պաշտոնապես արձանագրվեց, որ նա բարոյական, քաղաքական, իրավական առումներով զրո է: Նիկոլը լեգիտիմ չէ: Նիկոլն օրենքից դուրս է: Նիկոլն իր ճանապարհն ընտրել է: Նա ավարտված մարդ է՝ հակապետության մարմնավորումը:

Հիմա (անկեղծ ասած՝ վաղուց) գնդակը մեր դաշտում է: Բոլորիս անձնական պատասխանատվության ու որոշման դաշտում: Ամեն մեկն իր որոշումը պետք է կայացնի: Ամեն մեկը պետք է մտածի, որ ամեն ինչ կախված է իրենից ու միայն իրենից: Ամեն մեկը պետք է պատրաստ լինի առաջնորդելու և առաջնորդվելու: Գլխավորը՝ մեր երկրի փրկությունն է:

Երբ, եթե ոչ հիմա: Ով, եթե ոչ ես: Սա՛ պետք է լինի բոլորիս ու յուրաքանչյուրիս նշանաբանը:

ՀՀ ԱԺ պատգամավոր Անդրանիկ Թևանյանի ֆեյսբուքյան էջից