Հայաստանը վետո չի դրել ԵԱՏՄ բարձրագույն տնտեսական խորհրդի նիստին Ադրբեջանի նախագահ Իլհամ Ալիևի մասնակցության վրա. մանրամասներ

Ինչպես ավելի վաղ հայտնել էինք, մայիսի 24-25-ը Մոսկվայում տեղի կունենան  միջոցառումներ Եվրասիական տնտեսական միության (ԵԱՏՄ) շրջանակներում, այդ թվում՝  Բարձրագույն տնտեսական խորհրդի նիստը, որում ընդգրկված են ԵԱՏՄ երկրների ղեկավարները։

Նիկոլ Փաշինյանն այս միջոցառումներին մասնակցելու է որպես Միության անդամ երկրի ներկայացուցիչ։ Սակայն կարևոր է նաև, որ ԵԱՏՄ-ի միջոցառումներին կմասնակցի նաև Ադրբեջանի նախագահ Իլհամ Ալիևը։

«КоммерсатЪ»-ի փոխանցմամբ՝ ռուսական պետական ​​կառույցներից թերթին հայտնել են, որ Ադրբեջանի նախագահ Իլհամ Ալիևը հրավիրվել է մասնակցելու միջոցառումներին որպես հյուր՝ Բաքուն ԵԱՏՄ-ի կազմում չէ։

Ավելի վաղ հայկական կողմը մղտապես դեմ էր լինում Իլհամ Ալիևի ներկայությանը, սակայն այժմ առարկություններ չկան, նշում է «КоммерсатЪ»-ը։

Հավելում ենք նաև, որ մայիս 18-ի ՀՀ կառավարության նիստում Նիկոլ Փաշինյանը հայտարարել էր, որ Ռուսաստանը առաջարկել է մայիսի 25-ին անցկացնել Ադրբեջանի, Հայաստանի և Ռուսաստանի ղեկավարների եռակողմ գագաթնաժողովը, և Երևանն ընդունել է առաջարկը։

Հիշեցնենք նաև, որ 2021 թվականի դեկտեմբերին Նիկոլ Փաշինյանը հայտարարել էր, որ Երևանը դեմ չէ Բաքվի մուտքին ԵԱՏՄ, եթե դա կնպաստի խաղաղ զարգացմանը:

Zham.am