Ադրբեջանում ձերբակալվել են հայկական հատուկ ծառայությունների հետ իբր գաղտնի աշխատող անձինք
Ադրբեջանում ձերբակալվել են Հայաստանի հատուկ ծառայությունների հետ իբր գաղտնի համագործակցության մեջ ներգրավված անձինք։
Ադրբեջանի պետական անվտանգության ծառայությունը ձերբակալել է Ռաշադ Ախմեդովին և Ռովշան Ամիրովին։
Նշվում է, որ նրանք իբր գումարի դիմաց կատարել են հայկական հատուկ ծառայությունների կողմից հանձնարարված առաջադրանքները։
Ախմեդովն ու Ամիրովը մեղադրվում են «դավաճանության», «ահաբեկչության նախապատրաստման» և «օտարերկրյա կազմակերպությունների և նրանց ներկայացուցիչների անունից պետության դեմ ուղղված բացահայտ կոչերի» հոդվածներով։
Միևնույն ժամանակ, այս առիթով Տաթև Հայրապետյանը գրում է.
«Ադրբեջանի ԱԱԾ–ն գործողություններ է անցկացրել, որոնց շրջանակներում իրենց բնութագրմամբ ձերբակալվել են մարդիկ, որոնք աշխատել են Հայաստանի հատուկ ծառայություների օգտին:
«Ձեռնարկված միջոցառումների արդյունքում ձերբակալվել է 1980 թ. ծնված Ահմեդով Ռաշադ Ահմեդ օղլին: Նա կասկածվում է պետական դավաճանություն կատարելու և Ադրբեջանի տարածքում ահաբեկչական և դիվերսիոն գործողություններ ծրագրելու մեջ: Մյուս ձերբակալվածը դա Ռովշան Ամիրովն է»:
Տարածված տեսանյութում նշվում է, թե իբրև ՀՀ հատուկ ծառայությունները Ահմեդովին և այլ մարդկանց կարգադրել են ադրբեջաներենով տեսանյութեր պատրաստել ու տարածել, որ Ադրբեջանը պատրաստվում է պատերազմի: Նաև նշվում է, որ նա համագործակցել է ԵՊՀ ամբիոնի վարիչ Գառնիկ Ասատրյանի հետ:
Ուշագրավ է, որ ամենաշատը ՀՀ–ի դեմ պատերազմի նախապատրաստման մասին Ադրբեջանում խոսում է Իլհամ Ալիևը: Եթե Ադրբեջանի ԱԱԾ–ն պահի ձերբակալման այս տրամաբանությունը և պատժնի նրանց, ովքեր խոսում են պատերազմի նախապատրաստումից, ապա կպարզի Ադրբեջանի ողջ ռազմաքաղաքական ղեկավարությունը ՀՀ հատուկ ծառայությունների օգտին է աշխա տում»։
Հետևեք մեզ Facebook-ում