ՀՀԿ-ն անվստահություն ուներ, որ որոշակի զարգացումների դեպքում Սեյրան Օհանյանը չէր օգտագործի բանակը. Հրանուշ Խառատյան (տեսանյութ)
«Գալիք ընտրություններում միակ, այն էլ փոքր ինտրիգը պաշտպանության նախկին նախարար Սեյրան Օհանյանն է, մնացածը եղավ այնպես, ինչպես որ սպասելի էր»,- կարծում է ազգագրագետ Հրանուշ Խառատյանը։ Ըստ նրա՝ ընտրություններում մրցակցություն կլինի. «ԲՀԿ-ն եւ ՀՀԿ-ն քաղաքական իմաստով էապես չտարբերվող կուսակցություններ են: Այս ամենի մեջ կա երկու այլընտրանքային խումբ. ԵԼՔ դաշինքը, որը համակրանք ունի, վստահություն է ներշնչում, եւ «Համախմբումը»՝ Սեյրան Օհանյանի հետ: Նրանք կարծում եմ այլընտրանք են այս ռեժիմին»: Հաղորդում է «Ա1+»-ը:
Հրանուշ Խառատյանը համոզված է՝ Սեյրան Օհանյանը կառավարությունից դուրս հայտնվեց, քանի որ իշխող կուսակցությունը վտանգ էր զգում. «Իմ խորը համոզմունքը նա է, որ նրան աշխատանքից հեռացրեցին, քանի որ ՀՀԿ-ն անվստահություն ուներ, որ որոշակի զարգացումների դեպքում Սեյրան Օհանյանը չէր օգտագործի բանակը, այսինքն՝ ներքաղաքական զարգացումների ժամանակ: Նրանց ավելի նվիրված մարդ էր պետք»:
Մանրամասները՝ «Ա1+»-ի տեսանյութում:
Լուսանկարը՝ Panorama.am-ի