Սկանդալ. Ուկրաինացիները վրդովված են ադրբեջանական տեսահոլովակով. Տեսանյութ

Ադրբեջանական ավիաընկերությունը գովազդային հոլովակ է հրապարակել, որտեղ ակնհայտորեն Ուկրաինան ներկայացվում է որպես սեքս - տուրիզմի երկիր: 

Հոլովակի բովանդակությունը հետևյալն է. ադրբեջանցին ինֆորմացիա է ստանում, որ ադրբեջանական "Buta airways" ընկերությունը էժան տոմսեր է վաճառում Բաքու - Կիև ուղղությամբ և անմիջապես տոմս և ընկույզ է գնում ու անմիջապես Բաքվից մեկնում է Կիև, որտեղ նրան սպասում է Կիևում ապրող ընկերը: Նա ընկույզն ընկերոջն է տալիս և հետ վերադառնում:

Հոլովակի իմաստն այն է, որ այդ տոմսերն այնքան էժան են, որ ադրբեջանցին կարող է իրեն թույլ տալ ընկույզը բերել ընկերոջն ու հետ վերադառնալ: 

Սակայն հոլովակի սյուժեում որպես հարակից սցենար նույն էժան տոմսով երկու ադրբեջանցիներ նույնպես մեկնում են Կիև, որոնց սպասում են ուկրաինուհի ընկերուհիները: Եվ ստացվում է այնպես, որ հոլովակը կարծես կանչում է ադրբեջանցի տղամարդկանց` սեքս - տուրիզմի համար մեկնել Ուկրաինա: 

Ուկրաինայում ադրբեջանական այս հոլովակը գնահատվել է որպես ապտակ` ուկրաինական ժողովրդին, քանի որ ադրբեջանական հոլովակում ուկրաինուհին ընկալվում է որպես սեքս - տուրիզմի առարկա: Իսկ թե ինչ պարզաբանումներ կտա ադրբեջանական ավիաընկերությունն այս անպարկեշտ տեսահոլովակի համար, կամ` կտա, թե ոչ, պարզ կդառնա մոտ ապագայում:

Zham.am