Սոթքի հրետակոծման պատճառով հնարավոր է Գեղամասարի կանանց ու երեխաներին տարհանեն. նախկին համայնքապետ

Գեղամասարում իրավիճակը հիմա հարաբերական խաղաղ ա, բայց պայթյունավտանգ վիճակ է: Այս մասին 24News-ի հետ զրույցում ասաց Գեղամասարմ համայնքի նախկին ղեկավար Հակոբ Ավետյանը: 

«Վնասված ենթակառուցվածքներ չկան, վիրավորներ ու զոհեր քաղաքացիական անձանց շրջանում չունենք»,- նշեց Ավետյանը:

Անվտանգությունից ելնելով հնարավոր է տարհանվեն գյուղի երեխաներն ու կանայք.«Մենք սեպտեմբերի 13 ենք տեսել, ու ադրբեջանցին կարող է նույնը կրկնել: Չեմ ուզում խուճապ տարածել, բայց մեզ համար առաջնային է մեր երեխաների անվտանգությունը, դրանով պայմանավորված հնարավոր է տարհանենք գյուղից»,- ասաց նախկին ղեկավարը:

Հիշեցնենք, այսօր առավոտյան ժամը 6։00-ից սկսած Ադրբեջանի ԶՈՒ-ն հրետանային և ականանետային միջոցներից կրակ է բացել Սոթքի դիրքերի ուղղությամբ։ Այս պահի դրությամբ հայկական կողմն ունի 2 վիրավոր։