Մասուդ Բարզանին դատապարտել է Իրանին և քուրդ Թալաբանիի ընտանիքին` դավաճանության մեջ

Երկար լռությունից հետո , երբ քրդերն առանց կրակոցի հանձնեցին Քիրկուկը, Իրաքյան Քրդաստանի նախագահ Մասուդ Բարզանին հատուկ հայտարարոթյունով հանդես եկավ, որտեղ նա նշեց, որ Քիրկուկի` առանց կրակոցի հանձնման գլխավոր պատճառը դավաճանությունն էր եղել: Ըստ Բարզանիի, քուրդ մյուս ազդեցիկ կլանի ներկայացուցիչ Ջալալ Թալաբանիի, որը վերջերս մահացավ, որդին և կինը, Պավել Թալաբանին և Հերո Իբրահիմ Ահմադը, գաղտնի պայմանագիր էին ստորագրել իրանյան ուժերի հանրահայտ գեներալ Սուլեյմանիի հետ, ով ղեկավարում է իրանյան ուժերն Իրաքում, որի արդյունքում Քիրկուկը պաշտպանող քրդական փեշմեռգան` քրդական զինված ուժերը,  քաղաքը պետք է առանց կրակոցի հանձներ իրանյան ուժերին:

Բանն այն է, որ Քիրկուկի նահանգապետը և փեշմեռգայի 80 տոկոսը գտնվում էին Թալաբանիի ընտանիքի վերահսկողության տակ: Նշենք, որ այսօրվա Իրաքյան Քրդաստանը բաժանված է երկու խոշոր կլանների միջև` Բարզանիի և Թալաբանիի: Բարզանին ավանդաբար թուրքամետ կլան է համարվել, իսկ Թալաբանին` իրանամետ: Եվ ահա երբ Քրդաստանը ուզում է հռչակել անկախ պետականություն, ապագա Քրդաստանի կառավարման համար սուր պայքար է սկսվել այս երկու կլանների միջև:

Շատ փորձագետների կարծիքով քրդերի անհաջողությունների գլխավոր պրոբլեմներից մեկը հենց այդ միջկլանային պայքարն է, որի մասին մենք առանձին կներկայացնենք մեկ այլ հոդվածում:

Հակոբ Կարապետյան