Եթե թուրքը որոշում է, թե Երևանում, ինչ հուշարձան լինի, ինչ հուշարձան չլինի, ուրեմն թուրքն արդեն Երևանում է և պարտադիր չի տեսնեք կամ կպնեք, որ համոզվեք

Եթե թուրքը որոշում է, թե Երևանում, ինչ հուշարձան լինի, ինչ հուշարձան չլինի, ուրեմն թուրքն արդեն Երևանում է և պարտադիր չի տեսնեք կամ կպնեք, որ համոզվեք: Եթե ադրբեջանցուն շահավետ է, որ գեներալ Գրիգորի Խաչատուրովը, ոչ թե բանակում լինի, այլ մեկուսարանում, ուրեմն ադրբեջանը կասկադում նստած է ու պարտադիր չի, որ բարձր ադրբեջաներեն խոսի, որ լսեք ու համոզվեք: 

Նորից կրկնեմ. Նեմեսիսի հուշարձանը պետք է ունենա հասարակաքաղաքական պատվո պահակախումբ: Գեներալը պետք է ունենա հասարակաքաղաքական խորը աջակցություն: Այս երկու երևույթները պետք է խորը սիմվոլիզացվեն և դառնան չընկրկման և պայքարի նոր ուղղություններ: Եթե ընդդիմադիր ուժերը ապատիկ վիճակում են և գործողությունների պլանավորման առումով առայժմ ոչ հանդուգն՝ մտածելով, որ չունեն հանրային աջակցության բավարար բազա, ուրեմն հենց իրենք պետք է գնան և դառնան մաս յուրաքանչյուր հանրային ակցիայի, հանրային բողոքի ցույցի, նույնիսկ մասնավոր բողոքի՝ զիվորի ծնողի բողոքից մինչև կենցաղային հարցով բողոքողի: 

Կրկնում եմ, ողջ ձեր քաղաքական և մարդկային ռեսուրսով ոչ թե ասեք՝ արեք կաջակցենք, այլ , եթե որևէ տեղ որևէ մեկը որևէ ակցիա կամ բողոք է ներկայացնում ուրեմն բոլոր ընդդիմադիր ուժերն իրենց ողջ ռեսուրսով և ակտիվով այդ բողոքին մասնակից և ներկա պետք է լինեն չքաշելով վերմակն իրենց վրա: 

P.S. Վերգտեք ձեր հանրային աջակցության մսխված ռեսուրսը, մի ասեք, որ չեն գալիս ձեր մոտ, դուք գնացեք նրանց մոտ ու վերականգնեք վստահությունը: Սա քաղաքական սոցիալիզացիայի շատ պարզ վարժություն է: Մի ուրախացեք նրա 14%-ով, քայլեր ձեռնարկեք ձեր 2-3% բարձրացնելու ուղղությամբ: Իջեք Օլիմպոսներից և դարձեք մարդամոտ ու մարդահավասար: Ձեր 2-3% ոչ թե Օլիմպոսի այլ սկի հարթավայրի էլ չի ձգում:

Վլադիմիր Մարտիրոսյանի ֆեյսբուքյան էջից