Ատոմ Էգոյանը պետք է փոխի իր «Արարատ» ֆիլմի անվանումը՝ դարձնելով «Արագած»

Իմ դիմումը Ատոմ Եգոյանին, Արսինե Եգոյանին և Սերժ Թանկյանին.

Սիրելի՛ հայրենակիցներ, ուզում եմ շնորհակալություն հայտնել Հայաստանում իսկական ժողովրդավարություն հաստատելու գործում ձեր ներդրման համար։ Հաշվի առնելով կառավարության վերջին քաղաքականությունը, որին դուք օգնել եք իշխանության բերել՝ պահանջում եմ հետևյալը.

1. Պարոն Եգոյան, խնդրում եմ, փոխեք Ձեր «Արարատ» ֆիլմի անվանումը՝ դարձնելով «Արագած»։

2. Պահանջում եմ Անրի Վերնոյից փոխել իր «Մայրիկ» ֆիլմի վերնագիրը՝ դարձնելով «Քույրիկ»։

3. Սերժ Թանկյանից պահանջում եմ փոխել իր խմբի անունը System of a Down-ից՝ դարձնելով այն System of the Up:

4. Խնդրում եմ, որ Շառլ Ազնավուրի ժառանգորդները փոխեն նրա «Ils sont tombés» («Նրանք ընկել են») երգի անունը՝ դարձնելով «Ils se sont levés» («Նրանք վեր կացան»)

Վերջապես, մենք անհամբեր սպասում ենք ձեր վերադարձին Հայաստան, որտեղ, ինչպես ասացիք հինգ տարի առաջ, պատրաստվում էիք տեղափոխվել:

Արթուր Խաչիկյանի ֆեյսբուքյան էջից