Էրդողանի հետ քննարկում ենք Հայաստանի դեմ կիրառվելիք քայլերը. Չավուշօղլու
Թուրքիայի ԱԳ նախարար Մեւլութ Չավուշօղլուն կրկին խոսել է Երեւանում «Նեմեսիսին» նվիրված հուշարձանի հետ կապված Թուրքիայի մտահոգությունների մասին։ Թուրքական մի հեռուստաընկերության հաղորդման ժամանակ ԱԳ նախարար Մեւլութ Չավուշօղլուն կրկին հիշեցրել է, որ իրենց համար անընդունելի է օսմանյան բանակի սպաներին եւ ադրբեջանցի եղբայրներին սպանած անձան հերոսացնող հուշարձանի տեղադրումը։ Նա շեշտել է, թե այդ մասին իրենք թե բանագնացի միջոցով, թե այլ խողովակներով հասցրել են Հայաստանի իշխանություններին։
«Մենք Թուրքիայի նախագահի հետ քննարկում ենք Հայաստանի դեմ կիրառվելիք քայլերի մասին»,–ասել է Թուրքիայի արտգործնախարար Մեւլութ Չավուշօղլուն։
Նշենք, որ Երեւանում «Նեմեսիս» գործողությանը նվիրված հուշարձան, որից հետո Թուրքիան փակել է օդային տարածքը հայկական օդանավերի համար, այդ թվում վարչապետին սպասարկող օդանավի համար։
Հետևեք մեզ Facebook-ում