Այո՜, դա մեր պրոբլեմն ա, ոչ թե ճանապարհը փակողի. Փաշինյանը՝ թուրքական օդային տարածքի փակման մասին. Տեսանյութ
Թուրքիայի ԱԳ նախարար Մեվլութ Չավուշօղլուն այսօր՝ մայիսի 3-ին, արձագանքել էր Երևանում «Նեմեսիս» գործողության արձանի տեղադրմանը։ «Երևանում «Նեմեսիս» հուշարձանի տեղադրումն անընդունելի է։ Ես չեմ կարող դա ընդունել։ Ի պատասխան՝ մենք փակեցինք մեր օդային տարածքը հայկական ինքնաթիռների համար։
Օդային ճանապարհով Թուրքիա կգա միայն Հայաստանի խորհրդարանի նախագահը․ բացառիկ դեպքի համար ենք թույլ տվել։ Եթե շարունակեն (Հայաստանը), մենք նոր քայլեր կձեռնարկենք», - հայտարարել էր Չավուշօղլուն։
«Ես նախ ուզում եմ վերադառնալ հայրենասիրության մոդելի վերաբերյալ քննարկումներին, որի մասին ես մի քանի օր առաջ կրկին խոսեցի։ Հիմա մի դեպքում ասում ենք, թե տեղը շատ նեղ է, մենք չենք կարողանում ապրանքներ արտահանենք։ Այդ անցակետները այո, բացվում են, փակվում են և այլն։ Ու այնպես չէ, որ տարբեր ուղղություններով մեր գնալ-գալու վրա արձանները չեն ազդում։
Օրինակ մենք առերեսվու՞մ ենք, թե այս կոնտեքստում ժամանակին Գարգեգին Նժդեհի արձանի բացումը ինչ ազդեցություն է ունեցել։ Ես ուզում եմ հիշեցնել, որ այդ հարցում մենք լուրջ խնդիրներ ունեցել ենք ու շարունակում ենք ունենալ։ Ու այնպես չէ, որ միայն արևմտյան ուղղությունից ենք մենք արձանների հետ կապված արձագանքներ ստանում»,- իր ելույթում քիչ առաջ ասաց ՀՀ վարչապետ Նիկոլ Փաշինյանը՝ անդրադառնալկով ընդդիմադիր պատգամավոր Թադևոս Ավետիսյանի՝ վերոնշյալի վերաբերյալ դիտարկումներին։
Մանրամասն՝ 24news.am-ի տեսանյութում։
Հետևեք մեզ Facebook-ում