Պորոշենկոյի իշխանությունը փլվո՞ւմ է. Տեսանյութ

Երեկ երեկոյան Կիևի ժամանակով 22:00-ին մոտ, իշխանությունները փորձեցին ուժ կիրառելու միջոցով թույլ չտալ վրանների տեղադրումը` պառլամենտի մոտ: Սակայն դա նրանց չհաջողվեց, և չնայած բախումներ այնուամենայնիվ եղան, Սահակաշվիլիի կողմնակիցները թույլ չտվեցին վերացնել վրանները:

Հետաքրքիր է, որ ուժայիններին առաջինը դատապարտեց գլխավոր դատախազ Յուրի Լուցենկոն` նշելով. "Բողոքի խաղաղ ակցիաներ իրականացնելը պաշտպանվելու է պետության կողմից, և ոչ մեկին թույլ չի տրվի, որ ուժայինները բռնի վերացնեն վրանները",- նշել է Լուցենկոն:

Ավելին, ըստ Լուցենկոյի, այն ուժայինները, ովքեր կբռնանան խաղաղ ցուցարարների վրա, կպատժվեն օրենքի ամբողջ ուժով: Սա թերևս Պորոշենկոյի իշխանության փլուզման առաջին ծիծեռնակներից  մեկն է: 

Երկրորդ ծիծեռնակն այն է, որ բողոքի ցույցերին մասնակցում են "Ազով" բատալյոնի բազմաթիվ անդամներ, ինչը շոկ է առաջացրել Պորոշենկոյի մոտ, քանի որ Ուկրաինայի քաղաքական վերնախավում բոլորը գիտեն, որ "Ազովը" երկրի ՆԳՆ նախարար Արսեն Անագովի անձնական գվարդիան է համարվում: 

Այսպիսով կարող ենք արձանագրել, որ Սահակաշվիլիի կողմից սկսված 3-րդ մայդանը բացահայտեց Պորոշենկոյի իշխանության ողջ տրոհվածությունը: Մանավանդ որ քաղաքական կուլիսներում շատերն են խոսում այն մասին, որ նախագահի պաշտոնում Ավագովը իրեն է տեսնում, և նրա ու Պորոշենկոյի միջև արդեն կան խոր և անդառնալի հակասություններ:

Հակոբ Կարապետյան