Թուրքիան պատժել է Հայաստանին «Նեմեսիս» գործողության մասնակիցների պատվին հուշարձան բացելու համար. Անկարան սպառնում է «նոր քայլերով»

Թուրքիան փակել է օդային տարածքը հայկական ինքնաթիռների համար՝ ի պատասխան Երևանում «Նեմեսիս» գործողությանը մասնակցածների հուշարձանի բացմանը, հայտարարել է Թուրքիայի արտգործնախարար Մևլութ Չավուշօղլուն։

«Մենք չենք ընդունում նման սադրանքները։ Ի պատասխան «ահաբեկիչների» հուշարձանի բացմանը, Թուրքիան փակել է երկինքը հայկական ինքնաթիռների համար։ Բացառության կարգով մենք թույլտվություն ենք տվել Հայաստանի խորհրդարանի նախագահի Թուրքիա այցի համար։ Եթե ​​նման գործողությունները շարունակվեն, ապա կհետևեն նոր քայլեր»,- զգուշացրեց նախարարը։

Հիշեցնեն, որ ապրիլի 25-ին Երևանում «Նեմեսիս» գործողության հերոսների հիշատակը հավերժացնող հուշակոթող է տեղադրվել: Աղբյուր–հուշակոթողի վրա գրված են Հայոց ցեղասպանությունը կազմակերպած և իրականացրած երիտթուրքերի պարագլուխներից, ինչպես նաև 1918թ. Բաքվի հայերի ջարդի կազմակերպիչներից վրեժ լուծած հերոսների անունները։

Հիշեցնեն նաեւ, որ ապրիլի 29-ին Թուրքիայի ավիացիոն իշխանություններն առանց նախօրոք տեղեկացնելու չեղարկել են ՔՊ-կան Խաչատուր Սուքիասյանի Flyone Armenia-ի  ավիաընկերությանը նախօրոք տրամադրված թույլտվությունը Թուրքիայի օդային տարածքով դեպի Եվրոպա չվերթեր իրականացնելու համար։  

Zham.am