Նոր սկանդալ. Պուտինը Թրամպին օգնել է վերընտրվել ռուս օլիգարխի միջոցո՞վ

Միացյալ Նահանգներում հակառուսական արշավը նոր թափ է ստանում: Նոր բացահայտումներ են ի հայտ գալիս, համաձայն որոնց Դոնալդ Թրամպի նախընտրական շտաբի ղեկավար Փոլ Մանաֆորդը ռուս օլիգարխ Օլեգ Դերիբասկայից 60 մլն դոլար վարկ է ստացել` օվշորային հաշիվների միջոցով:

Մանաֆորդը կոնգրեսում հայտարարել  է, որ այդ 60 մլն-ն մաքուր բիզնես վարկ է եղել, մինչդեռ ըստ հեղինակավոր իրավաբանների, այն շատ նման է փողերի լվացմանը: Ավելին, այս վարկի բովանդակությունն այնպիսին է, որ խիստ կասկածելի է, որ Դերիբասկան ակնկալում էր հետ վերցնել այդ գումարը Մանաֆորդից, քանի որ վարկի հետվերադարձի պայմանները չափից դուրս լիբերալ և լղոզված բնույթ ունեին, որը փաստացի թույլ կտար Մանաֆորդին հավերժ ձգձգել վարկի հետվերադարձը` ռուս օլիգարխին: 

Անշուշտ, ամերիկացիների համար տհաճ է լսել այն փաստը, որ իրենց ընտրությունների կրիտիկական պահին, երբ կանխատեսելի չէր, թե որ թեկնածուն կհաղթի, պարզվում է, որ թեկնածուներից մեկի շտաբի ղեկավարը 60 մլն դոլար է ստանում Միացյալ Նահանգների գլխավոր մրցակից համարվող Ռուսաստանի օլիգարխներից մեկի կողմից: 

Zham.am