Տեղ գյուղում կրակոցներ են եղել, կան զոհեր և վիրավորներ. Տեսանյութ. թարմացվում է

24News-ին հասած տեղեկությունների համաձայն՝ Տեղ գյուղի սահմանմերձ տարածքում տեղի ունեցած հրաձգության հետևանքով հայկական կողմն ունի 3 զոհ և վիրավորներ։ Ադրբեջանական կողմը ևս ունի կորուստներ։

24News-ի ունեցած տեղեկությունների համաձայն՝ նախ սկսվել է ձեռքերով մարտ, ապա վերածվել կրակոցների։

****

Ապրիլի 11-ին՝ ժամը 16:00-ի սահմաններում, Ադրբեջանի ԶՈւ ստորաբաժանումները  կրակ են բացել Տեղ համայնքի հատվածում ինժեներական աշխատանքներ իրականացնող  ՀՀ ԶՈւ զինծառայողների ուղղությամբ: Հայկական կողմը դիմել է պատասխան գործողությունների:

Նախնական տվյալներով հայկական կողմն ունի զոհեր  և վիրավորներ: Պաշտպանության նախարարությունը հանդես կգա լրացուցիչ հաղորդագրությամբ:

***

Hraparak.am-ը գրում է. Սյունիքի մարզի Տեղ գյուղում այսօր 15-20 րոպե ինտենսիվ փոխհրաձգություն է տեղի ունեցել հայ եւ ադրբեջանցի դիրքապահների միջեւ։

Փոխհրաձգության հետեւանքով հայկական կողմը նախնական տվյալներով երեք զոհ եւ բազմաթիվ վիրավորներ ունի, վիրավորների թվում է նաեւ Հատուկ բանակային կորպուսի հարմանատար Արմեն Գյոզալյանը, որին այս պահին վիրահատում են Գորիսի բժշկական կենտրոնում։