Էրդողանի դիրքորոշումը Ռուսաստանի համար վտանգ չի՞ ներկայացնում

Ինչպես հայտնի է, երեկ Թուրքիայի նախագահ Էրդողանը պաշտոնական այցով գտնվում էր Կիևում, և ահա մամլո ասուլիսի ժամանակ Ուկրաինայի նախագահ Պորոշենկոյի հետ Էրդողանը հայտարարեց, որ Ռուսաստանի կողմից Ղրիմի կցումն իրեն համարում է "ոչ օրինական", բացի այդ Էրդողանը նշեց, որ շարունակելու է աջակցել Ղրիմի թաթարների պատմական իրավունքի համար: 

Էրդողանին Մոսկվայից պատասխանը եղավ շատ արագ: Ռուսաստանի վերին պալատի անդամ Ալեքսեյ Պուշկովը հայտարարեց. "Էրդողանի կարծիքը ոչ մեկին չի հետաքրքրում, և այն ոչ մի արժեք չունի, և Ղրիմի կարգավիճակն էլ դրանից չի փոխվի, և նա դա հայտարարում է, որպեսզի դուր գա Պորոշենկոյին":

Էրդողանի գնահատականի վերաբերյալ հանդես եկավ նաև վերին պալատի մյուս անդամ Ֆրանց Կլինցևիչը: Ըստ նրա. "Թուրքիան շարունակում է վարել երկակի ստանդարտների քաղաքականություն` փորձելով նստել 2 աթոռների վրա":

Այսպիսով, արձագանքելով Էրդողանին, երկրորդական գործիչների շուրթերով Մոսկվան ցույց է տալիս, որ իր համար Թուրքիայի դիրքորոշումը Ղրիմի հարցում ֆորմալ բնույթ ունի և Ռուսաստանի ազգային պետական շահերի համար վտանգ չի ներկայացնում:

Zham.am