Իրանի առաջնորդը հորդորում է երեխաներին թուրքերե՞ն սովորել. Տեսանյութ

Համացանցում տարածված է մի տեսանյութ, որտեղ Իրանի առաջնորդ Հայաթոլլա Խամենեին, ով ինչպես հայտնի է, ազգությամբ ադրբեջանցի է, կանանց և երեխաների հետ մի հանդիպման ժամանակ 5 տարեկան երեխային հարցնում է` «դու թո՞ւրք ես, թե՞ պարսիկ», երեխան չի կարողանում պատասխանել, սակայն նրա մայրը նշում է, որ իր երեխան թուրք է, բայց թուրքերեն չգիտի, որին ի պատասխան Խոմենեին, ի զարմանս բոլորի, նշում է հետևյալը. «Պարսկերեն սովորում են դպրոցում և փողոցում, իսկ դուք ձեր տանը սովորեք նաև թուրքերեն, թող երկու լեզուն էլ երեխան իմանա»,- նշում է վերջում Խոմենեին:

Նշենք, որ ադրբեջանցիները Իրանում իրենց քանակով երկրորդն են համարվում` պարսիկներից հետո, որոնց թիվը, տարբեր տվյալներով, հասնում է մինչև 18-20 միլիոնի: Սակայն նրանք դժգոհ են, որ իրենց ազգային իղձերը ճնշվում են տիիտղոսային ազգ համարվող պարսիկների կողմից:

Zham.am