Զինծառայողը մոլորվել է տեղանքում ու մեքենայով հայտնվել ադրբեջանական վերահսկողության տակ գտնվող տարածքում. ՀՀ ՊՆ

Մարտի 21-ին՝ ժամը 12:20-ի սահմաններում, ՀՀ ԶՈՒ զինծառայող Մ. Գ.-ն, մարտական հենակետ մեքենայով սնունդ տեղափոխելիս, վատ տեսանելիության և մառախուղի պայմաններում նախնական տվյալներով մոլորվել է տեղանքում ու մեքենայով հայտնվել ադրբեջանական վերահսկողության տակ գտնվող տարածքում։

***

NEWS.am-ի տեղեկություններով՝ Սյունիքի մարզում այսօր՝ մարտի 21-ին, ՊՆ զինծառայողի հետ կապը կորել է:

Աղբյուրների փոխանցմամբ՝ տարածքում մառախուղ է եղել: Առայժմ հստակ չէ՝ արդյո՞ք զինծառայողը մոլորվե՞լ է, թե՞ գերի է ընկել:

Նշենք, որ առայժմ պաշտոնական տեղեկատվություն Պաշտպանության նախարարությունը չի հաղորդել:

Ավելի վաղ Hraparak.am-ը գրել էր, որ զինծառայողը Ուրալ մեքենայով հաց է տարել դիրքեր եւ գերի ընկել։

Հիշեցնենք նաև, որ ավելի վաղ լուրեր էին տարածվել, որ ադրբեջանցիները Խնձորեսկ գյուղի բնակիչ են գերի վերցրել։