Իրանի եւ Թուրքիայի արտգործնախարարները քննարկել են Ադրբեջանի հետ Թեհրանի հարաբերությունները
Իրանի եւ Թուրքիայի արտաքին գործերի նախարարներ Հոսեյն Ամիր Աբդոլահիանը եւ Մեւլութ Չավուշօղլուն հետախոսազրույցի ընթացքում քննարկել են իրավիճակն Իրանի եւ Ադրբեջանի միջեւ, տեղեկացրել է Tasnim-ը՝ հղում կատարելով ԻԻՀ ԱԳՆ-ին։
Տեղեկացվել է, որ արտաքին գործերի նախարարները նաեւ կարծիքներ են փոխանակել ավելի սերտ երկկողմ կապերի եւ այն հարցերի վերաբերյալ, որոնք փոխադարձ հետաքրքրություն են ներկայացնում Թեհրանի եւ Անկարայի համար՝ տարածաշրջանային մակարդակով։
Թուրքիայի արտաքին գործերի նախարարն ասել է, որ իր երկիրը ողջունում է Իրանի եւ Սաուդյան Արաբիայի միջեւ կնքված համաձայնագիրը յոթնամյա ընդմիջումից հետո դիվանագիտական հարաբերությունների վերականգնման մասին՝ ընդգծելով գործաքրի դրական ազդեցությունը մուսուլմանական միասնության վրա։
«Չավուշօղլուն վստահություն է հայտնել, որ այդ գործարքը կհանգեցնի մուսուլմանական աշխարհի դիրքերի ամրապնդմանն ու սիներգիայի ստեղծմանը իսլամական երկրների միջեւ՝ տարածաշրջանային խնդիրների լուծմանն աջակցելու համար։
Իրանի արտաքին գործերի նախարար Հոսեյն Ամիր Աբդոլահիանն իր հերթին ասել է, որ հարեւանների եւ տարածաշրջանի երկրների հետ դրական փոխգործակցությունը ճանապարհ կհարթի տարածաշրջանում խաղաղության եւ կայունության ամրապնդման եւ միջազգային ասպարեզում սիներգիայի ուժեղացման համար»,- նշվել է հաղորդագրությունում։
Աղբյուր՝ News.am
Հետևեք մեզ Facebook-ում