Շատ հնարավոր է, որ Արարատի ՀՀԿ տարածքային կառույցը ղեկավարի Ալիկ Սարգսյանը
Հայաստանի Հանրապետական կուսակցությունը դեռ չի որոշել, թե ով է ղեկավարելու ՀՀԿ տարածքային կառույցը: Tert.am-ի հետ զրույցում ասաց ՀՀԿ կազմակերպչական հանձնաժողովի նախագահ Ռուբեն Թադևոսյանը:
«Դեռ որոշում չունենք, երբ կունենանք, կասենք»,- նշեց Թադևոսյանը:
Հարցին՝ իրականությանը համապատասխանո՞ւմ են լուրերը, որ կառույցը հնարավոր է ղեկավարի Ալիկ Սարգսյանը, Ռուբեն Թադևոսյանը չբացառեց. «Իհարկե, Ալիկ Սարգսյանն արդեն ղեկավարել է մարզային կառույցը: Երբ նշանակվեց ոստիկանապետ, օրենքի համաձայն դադարեցրեց տարածքային կառույցի ղեկավարման լիազորությունները: Այնպես որ շատ հնարավոր է: Կորոշենք»:
Որոշումն, ըստ Ռուբեն Թադևոսյանի, մոտ օրերս կկայացվի:
Հիշեցնենք, որ ՀՀԿ Արարատի տարածքային կառույցը ղեկավարում էր պատգամավոր Կարինե Պողոսյանը, ով կուսակցությունից դուրս գալու դիմում է ներկայացրել: Կարինե Պողոսյանը Մխչյանից է, Հովիկ Աբրահամյանի զարմուհին է: