Բողոքի ցույցերի հիմնական նպատակը Վրաստանում պետական ​​հեղաշրջումն էր. «Վրացական երազանք»

«Օտարերկրյա գործակալների» մասին օրինագծերի դեմ բողոքի ցույցերը Թբիլիսիում յուրատեսակ «դարի PR խաբեություն» էին, որի հիմնական նպատակը բռնության միջոցով իշխանությունը տապալելն է, ասել է իշխող «Վրացական երազանք՝ Ժողովրդավարական Վրաստան» կուսակցության նախագահ Իրակլի Կոբախիձեն, գրում է sputnik-georgia.ru-ն:

Մարտի 7-ից 10-ը Թբիլիսիի կենտրոնում զանգվածային բողոքի ցույցեր էին։ Ցուցարարները՝ հիմնականում երիտասարդներ ու ուսանողներ, դեմ էին «Ժողովրդի ուժը» հասարակական շարժման նախաձեռնած «օտարերկրյա գործակալների մասին» օրենքների ընդունմանը։ Օրինագծերին աջակցել էր նաև «Վրացական երազանք»-ը։ Ցուցարարների գործողությունների արդյունքում իշխող կուսակցությունը որոշեց հետ կանչել երկու օրինագիծն էլ՝ դա բացատրելով ցուցարարների անվտանգության մտահոգությամբ։

Կոբախիձեի խոսքով՝ հազարավոր մարդիկ բողոքել են օրենքի դեմ, որի միակ նպատակը ՀԿ-ների ֆինանսավորման մասին քաղաքացիներին տեղեկացնելն էր։

«Դա յուրատեսակ «դարի PR խաբեբայություն էր», որի հիմնական նպատակը բռնի ճանապարհով հեղաշրջումն էր։ Այս ծրագիրը ձախողվեց, քանի որ դրան հակադրվեց մարդասեր, բայց ուժեղ պետական համակարգը, որը ամուր կանգնած էր և կանգնած է ի պահ Վրաստանի պետական անվտանգություն»,-ասել է Կոբախիձեն։

Նրա խոսքով՝ անցած շաբաթ Վրաստանի իշխանությունները հերթական անգամ ցույց տվեցին իրենց մարդասիրական դեմքը։

«Դրա ևս մեկ դրսևորումը օրինագծի հետկանչումն էր այն ժամանակ, երբ իրավապահ մարմիններն ունեին լիակատար իշխանություն և բարոյական գերազանցություն բռնի ընդդիմադիր խմբերի նկատմամբ: Մենք հստակ հասկացրել ենք, որ չենք կարող վտանգել ոչ մի մարդու, ոչ մի երիտասարդի առողջությունը, առավել ևս՝ կյանքը այն պայմաններում, երբ սպասվում էր արմատական ընդդիմության ցանկացած դաժան սադրանք»,-հավելել է Կոբախիձեն։

Թե՛ Վրաստանի բոլոր արևմտյան գործընկերները և թե՛ վրացական հասարակության մի մասը դեմ էին Վրաստանում «օտարերկրյա գործակալների» մասին օրենքի ընդունմանը, չնայած այն բանին, որ օրինագծի նախաձեռնողները և իշխող կուսակցությունը պնդում էին, որ դա անհրաժեշտ է միայն հասարակական կազմակերպությունների ֆինանսավորման թափանցիկության համար։

Աղբյուրը՝ tert.am