Փաշինյանը կատարյալ սուտ անվանեց Սերժ Սարգսյանի հայտարարությունը. Տեսանյութ

Նիկոլ Փաշինյանը հերքում է օրեր առաջ Սերժ Սարգսյանի արված հայտարարությունը, թե Հայաստանը 2018–ից ի վեր ռազմական օգնություն չի ստացել, իսկ 44-օրյա պատերազմին ռազմական գործողությունների ժամանակ ունեցած զինամթերքի միայն 50 %-ն է օգտագործվել։

«Ինձ դառնացնում է, որ այդ լրջության մարդը Հայաստան է ղեկավարել, ո՞նց կարելի է այդքան անլուրջ լինել։ Հազարավոր կամավորներ են մասնակցել պատերազմին, որևէ մեկը ասե՞լ է, որ զենքի պակաս է ունեցել»,– հայտարարեց Փաշինյանը։

Նա ևս մեկ անգամ հիշեցրեց իր պնդումը, որ ՀՀ–ն 2018–ից մինչև 2020 թթ.–ը ձեռք է բերել ավելի շատ զինամթերք, քան նախորդ 10 տարին միասին վերցված։ Ըստ նրա` սա ապացուցված վիճակագրություն է։

«Օգնություն ասելով ինչ նկատի ունեն, ձրի՞ զենք... չասեմ` ձրի զենքը ինչ է»,– հավելեց նա։