ԱՄՆ-ում մեկ շաբաթում երկու խոշոր բանկ է սնանկացել

ԱՄՆ-ում, Silicon Valley Bank-ից (SVB) հետո, փակվել է նաեւ Signature Bank-ը, որը գտնվում է Նյու Յորքում: Այս որոշումը կայացվել է համակարգային ռիսկերի պատճառով։ Բանկի բոլոր ավանդատուները լիարժեք հասանելիություն կունենան իրենց ավանդներին:

Նյու Յորք նահանգի կարգավորող մարմինն այս որոշումը կայացրել է համակարգային ռիսկերի պատճառով, ասվում է ԱՄՆ ֆինանսների նախարարության, Դաշնային պահուստի և Ավանդների ապահովագրման դաշնային կորպորացիայի համատեղ հայտարարության մեջ։

Բոլոր բանկային ավանդատուները, ինչպես SVB-ի դեպքում, լիարժեք հասանելիություն կունենան իրենց ավանդներին, և հարկ վճարողը որևէ վնաս չի կրի։

«Ավանդների ապահովագրման հիմնադրամի ցանկացած վնաս՝ չապահովագրված ավանդատուներին աջակցելու համար, կփոխհատուցվի բանկերի հատուկ գնահատման միջոցով՝ օրենքով սահմանված կարգով», - ասվում է հաղորդագրությունում։

Zham.am