Վրաստանի իշխանություններն այս փուլում պետական գիտակցության ու ազգային արժանապատվության մասին վարպետության դասեր են տալիս աշխարհին
Վրաստանի իշխանությունները ճիշտ, ես կասեի՝ հանճարեղ քայլ արեցին «Օտարերկրյա ազդեցության թափանցիկության» և «Oտարերկրյա գործակալների գրանցման» մասին օրենքների նախագծերը հետ կանչելով:
Այս օրերին հսկայական զինանոցը գործի դրած Արևմուտքը, կարելի է ասել, ավելի շատ տխրեց, քան ուրախացավ դրանից: Քանզի՝ պարզորոշ էր, որ արևմտյան գաղութարարների իրական մտահոգությունը ոչ թե այդ օրինագծերն էին, այլ Վրաստանի դանդաղ, բայց հաստատուն կերպով դուրս գալը վասալական կարգավիճակից և պետական ինքնուրույնության վերականգնումը:
Վրաստանի իշխանությունների հետկանչի այս քայլով երկրում լայնածավալ իշխանափոխության պատրաստվող Արևմուտքն ու վերջինիս հովանավորյալ տեղական գործակալական ցանցը շոկի մեջ հայտնվեց. ձեռքից բաց թողնվեց այս հրաշալի առիթը, և այժմ գրեթե ոչ մի պատճառ չկա զանգվածային անկարգություններ հրահրելու և երկիրը ցնցումների տանելու:
Ավելին՝ դատելով «Վրացական երազանքի», «Ժողովրդի ուժի» և խորհրդարանական մեծամասնության քաղխորհրդի համատեղ հայտարարության բովանդակության տողատակերից՝ Վրաստանի իշխանությունների այս նահանջը տակտիկական էր. «Գողն ամենաբարձրն է գոռում` «բռնե´ք գողին»» օպերացիայով վերջիններս լավագույնս բացահայտեցին գործակալական ցանցի առավել վտանգավոր օջախները: Դրանից ելնելով՝ առաջիկայում կիրականացվեն դրանց չեզոքացման աշխատանքներ, որից հետո արդեն հեշտությամբ կընդունվեն գործակալական ցանցը վերահսկող և վտանգավոր բացիլներին արագորեն հայտնաբերող ու չեզոքացնող օրենսդրական գործիքները:
Վրաստանի իշխանություններն այս փուլում պետական գիտակցության ու ազգային արժանապատվության մասին վարպետության դասեր են տալիս աշխարհին:
Դասեր առնելու ժամանակն է:
Վահե Սարգսյանի ֆեյսբուքյան էջից
Հետևեք մեզ Facebook-ում